1 Kɔlìŋ 7:7 - Ŋwàʼlè ə̀ Fèzhə̀ Mkâyn Mə̂ Fèm

⁷ M fə̂ kàʼa ə mə kɔ̂ŋɔ̀ nə nâʼà əghɨ əkɨ̂m ə nyi ke kə̂ mi, pîza Zhə̀fè nyi mə fə fo nâʼàpî ndè è zə vəyn nə kàyntè èfo, nâʼàpî ndè e kyi èkyì ə vəyn ze foze.

1 Kɔlìŋ 7:7 ပူးပေါင်းရင်းမြစ်များ

Ətefɨ̂aʼ 26:29

Pɔ̂l ə fɨ̀ysə̀ nə, “Ə̀ kàʼa nyi fèfɨ̂atə̀ fə ashìŋə̀fè, ə̀ kàʼa ə nyi àghaf etyâkè. Tsə̂m zɨme sê Zhə̀fè nyi nə gho è ghɨ ghəkɨ̂m ghɛ ə zɨtə sê mi ndâyn pəyn sə̂ nyi àfɨa kɛ m nyi kəynke, pîza m tsə̂mə̀ va nə ə ndəm ghàyn ə sechaʼ kə nyi mə ə ndə̀m mi zôyn.”

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 12:4

Kyì tə tefo tə Sezuʼ se Ŋwaʼate tsɨ̀ə kə nyî, pîza mə ə̀ fo kə Sèzuʼ sə Fezhə̀ semɔ̀ʼ.

1 Kɔlìŋ 7:8

M pîə sê ghɨ ghɛ ə ghe pa nyi ndɔ̀ʼɔ malə, kèpî è zhwîə kwuə nə, e tsɔ̂fə̀ nə ghənə faŋ ke zâ, ə nyi ke kə̂ mi.

1 Kɔlìŋ 9:15

Pîza m paʼà pfɨf fɨa vɨ̀yn pî kə ə̀ nyi eluʼ vɨmve se pfɨfə vəynve. M nyâʼà pîə va ghɛ zɨnə̀ nə ghàyn fo sê mi fɨa vɛ ə m nyi se kyî. Wùə vîvè vayn kàʼa è tyəmse ghaŋsê zɨmze wìynze kûmə̀ èghɛ nə zɨ̂yn.

1 Kɔlìŋ 9:5

E za nyi nə ə̀ va eluʼ vasve se njiə wùzhɔyn è pomə sə zhwi, sə̂ kwîə è vəyn kepî kə̂ əghɨtom ə mɔ̀ʼɔghe, è ghɔnyì ə Pɛ̂pɛghe, è Sefàs mə?