1 Kɔlìŋ 7:36 - Ŋwàʼlè ə̀ Fèzhə̀ Mkâyn Mə̂ Fèm

³⁶ Ə wùə fe nə zhi tsɨs nâʼàpî ashìŋə̀ àkè, kwaʼtə̀ kə vâyn èzhɔyn mə yî vəyn ə tè ndə̀m nə ə tə malə, è və fe nə wùzhɔyn ə̀təyn ə ndəmə̂ kwəyn se malə̂, è və kwàʼtə̀ fe nə zhi nyi malə, è və nə̀ èghɛ zɛ ə è kwàʼtə̀. Ə̀ vachi pi, ghənə kaʼa malə.

1 Kɔlìŋ 7:36 ပူးပေါင်းရင်းမြစ်များ

Matyò 1:18

Ə̀ nyiə nyì kə piə Njisə̀s Klâyszè tè nyi. Nyìə vəyn Mèli tè nyi mə Njosɛ̀f ə fo fɨake ə tu se njiə vəyn sə zhwi, pîza tsɔ̀fə kə ghənə malə, Mèli ə pɔŋə vayn atyaʼ ə se Zuʼse Ŋwaʼase.

Matyò 5:40

Mə ə wùə njì ndû è ghò elùʼ esaʼ se sɔmə̂ ghò se fiə sendzɨs sɛse, o fo paʼsə̂ fepfɨ̂ se vəyn.

1 Kɔlìŋ 7:35

M pîə èghɛ nə zɨnə kûmə̀ nə m kyiŋə se tsàmtə ghàyn, ə va nə m kyiŋə se kwiynse eghɛ se ghàyn. M pɨlə kyiŋə kə se nə̀yn nə ə nə̂ ə̀ghɛ endom echûŋvè kə ghe ə kwîə ə mbaŋə ə mbaŋə, se fɨnə nə̀yn nə ghàyn fo ngɨŋ saynse sekɨ̂m sə nə̂ èfɨaʼ ə Pɛ̂pɛze.

1 Kɔlìŋ 7:37

Pîza mə ə wùə nyi mə è və lotê ndəm ə və təm nə zhi malə va mə ə paʼà ŋamnê ndò vəyn, mə ə è lote ke ndò se kyî ə ngɨŋə̂ vəyn nâʼà àchûŋ, mə è və kàynè ndəm ə vəyn ətəm ghɛ zɛ ə è kyiŋə se nə̀yn, ə nyi èghɛ echûŋ nə ke è malə.

1 Kɔlìŋ 7:9

Pîza mə ghənə vayn kàʼa ə kyi ngɨŋsə ghənə̂sè, ə ghənə malə, kûmə̀ nə e tsɔ̂fə̀ se malə tsɛ̂ sə̂ tsɨs pî ashìŋə̀ akè, kwaʼtə̀ kə sə ŋaŋ se nyɨ̀ŋə̀ è wùzhɔyn kɨ̀sə wùə èndom.