Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔlìŋ 7:35 - Ŋwàʼlè ə̀ Fèzhə̀ Mkâyn Mə̂ Fèm

35 M pîə èghɛ nə zɨnə kûmə̀ nə m kyiŋə se tsàmtə ghàyn, ə va nə m kyiŋə se kwiynse eghɛ se ghàyn. M pɨlə kyiŋə kə se nə̀yn nə ə nə̂ ə̀ghɛ endom echûŋvè kə ghe ə kwîə ə mbaŋə ə mbaŋə, se fɨnə nə̀yn nə ghàyn fo ngɨŋ saynse sekɨ̂m sə nə̂ èfɨaʼ ə Pɛ̂pɛze.

အခန်းကိုကြည့်ပါ။ ကော်ပီ




1 Kɔlìŋ 7:35
14 ပူးပေါင်းရင်းမြစ်များ  

Kûmə̀ nə ghɛ tsɨ̀ə kə nyi ə ghe kaʼa ə ghe nəyn, ə wùə faŋ mə è pâʼà malə̂. Yiə nyi mə ə̀ nyì ke zamə kə tè piə ghənə, yîghe nyi mə ə nəyn əghɨ nə kə ghənə malə, yîghe tə malə̂ kûmə̀ èfɔ̂yn ə Fezhə̀vè. Nâʼà pîndè vɛ ə è kàʼa è pomə zaʼlê zɨ̀yn, pomə.”


Ghɨə Falàsîghə ndò sè nə̂ èpɨaʼtê endom se nə̀yn nə Njisə̀s wàmnə tsas, ə kyi vəyn.


Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.


Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.


Pîza kûmə̀ nə nyɨ̂ŋə̀ ə ndomnèzè è nyɨ̂ŋə̀ ə zəynze nyîə nyi tsɛsè, m pìə nə nâʼàpî wùə è ndomə̀ èkè nyì sə̂ kyi zhwìə vəyn, nâʼàpî wùzhɔyn èkè e kyi sə̂ kyi ndomə̀ vəyn.


Pîza mə ò malə, ò paʼà nə̀yn pi, mə wùə èzhɔyn nyiəm keva wùə endômə̀, ə malə, è paʼà pa nəyn pi, pîza ghɨə malə tə kyîə tètsôs fa mbi, ə̀ nyi tètsôs nə tɨ̂nə̀ ə m mɔ̂msə̀ se puʼse nə kə ghàyn tə kyî.


Ə wùə fe nə zhi tsɨs nâʼàpî ashìŋə̀ àkè, kwaʼtə̀ kə vâyn èzhɔyn mə yî vəyn ə tè ndə̀m nə ə tə malə, è və fe nə wùzhɔyn ə̀təyn ə ndəmə̂ kwəyn se malə̂, è və kwàʼtə̀ fe nə zhi nyi malə, è və nə̀ èghɛ zɛ ə è kwàʼtə̀. Ə̀ vachi pi, ghənə kaʼa malə.


Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.


Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.


ə fɛte sê ghɨ ghɛ ə ghe nə̂ ghɛ ə nyələghe è wîyn mə ghənə̂m, è ndômnè ghɛ ə nyɨ̂ŋə̀ è ndômnə̀ kəpiə ə̀ nyi ə̀zəyn, è ghɨ ghɛ ə ghe pəʼlə ghɨ sə ekɔ̀s, è ghɨ wamə, è ghɨ ghɛ ə wamə kaŋke pî kə te tsɨ̀ne sə̂ pîə səmɔʼ, è kɨsè se nâʼàpî ndè vɛ ə è kɔ̀ŋə̀ zaʼlê ə səmɔʼze.


Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ