1 Kɔlìŋ 7:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ ze nə̂ è fɨyn kyi va kwaʼtè zemɔ̀ʼ. Wùzhɔyn vɛ è tàʼa malə̂ kɨ̀sə ngɔ̀yn ə̀ wùzhɔyn vɛ ə è nyìəm keva wùndômə̀, kyi sə nə̂ kə àfɨaʼ ə Pɛ̂pɛke kûmə̀ nə è kyiŋə se fo ewiyn ə vəyn è zuʼsə vəynse sê Pɛ̂pɛ; pîza wùzhɔyn vɛ ə è nyi mə è və malə̂ ndə̀mə̀ kə ə̀təm ə vəynghe ə ghɛ ə mbiə, kûmə̀ nə è kyiŋə nə təm ə ndomə̀ vəynghe ə saŋnə̂.

1 Kɔlìŋ 7:34 ပူးပေါင်းရင်းမြစ်များ

Njɔyn 10:13

Wùə vɛ ə ndâʼà zâ tə ndô kûmə̀ nə è nyì ke wùə èndaʼa kɔ̂ŋə̀ va se tɔ̀ʼnè è ndzè sə təynse.

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

1 Kɔlìŋ 6:20

Zhə̀fè se nyi mə Fə zhɔyn ghàyn ə ndàʼà. Ghàyn nji wiyn vaynve ə ghàyn ə kɔʼsə̂ Fèzhə̀ ətəyn nə̂ ə̀ghɛ ətəyn, ghe fo èpomsê sê Zhə̀fè.

1 Kɔlìŋ 7:33

Pîza wùə è malə ndə̀mə̀ ə̀təm ə vəynghe kè əghɛ ə mbighe, sə̂ nə̂ nə zhwìə vəyn ə saŋnə̂;

1 Kɔlìŋ 7:35

M pîə èghɛ nə zɨnə kûmə̀ nə m kyiŋə se tsàmtə ghàyn, ə va nə m kyiŋə se kwiynse eghɛ se ghàyn. M pɨlə kyiŋə kə se nə̀yn nə ə nə̂ ə̀ghɛ endom echûŋvè kə ghe ə kwîə ə mbaŋə ə mbaŋə, se fɨnə nə̀yn nə ghàyn fo ngɨŋ saynse sekɨ̂m sə nə̂ èfɨaʼ ə Pɛ̂pɛze.

2 Kolìŋ 11:28

Ndomte tsɨ̀ə kə nyî kə m fe ngəʼ ətəyn pîza fɨyn va sə̂ taŋa ndûə. Ə̀ nyi ke èghɛ èmɔ̀ʼ ə ze fo ngəʼ se mi, mə za nyì sə̂ tɔ̂ʼnə̀ è ndɛ sə Fezhə̀sè sekɨ̂m.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

Filìpây 1:20

Ghɛ e ghaʼà zɛ ə ze nyi ə mì ətəm zôyn, è zɛ m kyiŋə se nə̀yn nyì ke nə kə m tə nəyn èghɛ ə mì efɨ̀aʼ se Zhə̀fè mə ze kaʼa ə ze pəyn èghomə̂zè. Pîza m pɨlə kyiŋə nə nâʼàpî ashìŋə̀ àkè kɛ m nə̂ fɨaʼa təynze, se zhə̀tə ndù zôyn, nə mə nə̂ zeynze fanə̀ va ghɛ zhîze se fo èkɔʼsê sê zə Klâyszè. Ə̀ zɨnə nyi eghɛ zɛ m kyiŋə se nə̀yn, kɨ̀sə m tɛ ndô kɨ̀sə m kwu ndô.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

1 Timotì 3:5

Ə wùə nyiə se nyi ndɔʼɔ è ke se kyî əghɨ ə və apɨəyn, ə e və ke zàyn se kyiə ndɛ̂ Fèzhə̀ ə?

1 Timotì 5:5

Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.