1 Kɔlìŋ 7:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ E za nyi nə kə se namə wûəghè kɨ̀sə tàʼa se, kiva ghɛze se nə̀yn. Ghɛ e tɛze nyi ke sə̂ ndə̂mə̀ alàŋ ə Fezhə̀kè.

1 Kɔlìŋ 7:19 ပူးပေါင်းရင်းမြစ်များ

Matyò 5:19

Zôyn, pîndè vɛ ə è kim lâŋ etətə̂kè amɔ̀ʼ elwɔ̂ŋ ə Fezhə̀ nə vɛ, nâʼàpî kɛ ghənə kwâʼtə̀ nə ke kɔʼnə̂ va, è fɨnə zaʼlə̂ kəpî ə̀ghɨ nə ghə nə̂ eghɨ nyiə mə, kyì ə wûə nə vɨnə tə nə̂ ə è və nyi wùə èkwùŋsə əfètə̂ ghɨ̀ ghɛ ə ghe nyi ekwùtwəyn. Pîza nâʼà pîndè vɛ è nə̀ ghɛ zɛ ə lâŋkè pìə, kɛsə̂ zaʼlə̂ ə̀ghɨ mɔ̀ʼɔ nə ə nə̂ kəpì eghɨ nyiə mə, è tə nə̂ ə è və nyi wùə engɨsə kɔʼnə əfètə̂ ghɨ̀ ghɛ ə ghe nyi ekwùtwəyn.

Njɔyn 15:14

Ə ghàyn ə nyi sèsoyn sɨmse ə ghàyn nə̀ ghɛ ghɛ m tsâ sê ghàyn.

Ŋwàʼlè ə̀ Pɔ̂l sê ghɨə Lûmghè 3:30

Zhə̀fè nyì ke fèmɔ̀ʼ. E za nyi nə È tə fiə ə̀ghɨ ghɛ ə nyi mə ə se nam ə ghənə̂ghè kə ghɨ ghɛ ə nyi chichi ezhoghɛ ə ghənə pomə se Njisə̀s Klâys. Ə̀ nyì kepî famə endom ə È tə njîə ghɨ ghɛ ə nyi mə ə paʼà se nam ə ghənə̂ghè ezhoghɛ ə ghənə pomə sê Njisə̀s.

1 Kɔlìŋ 8:8

Fɨa e zhiəve vayn nə̀yn nə Zhə̀fè fi ghâsènì ə fe tsɛ kə fe tè nyi mə fə fi. Ghâsènì njìsə̀ va fɨake ashìŋə̀ kɛ ghâsènì tàʼa zhi, kwəynsə̂ va fɨa kyîke ezhoghɛ ghâsènì zhi.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Etyə̂yn ə paynsêzè 22:14

Saŋnêzè nyì sê ghɨ ghɛ ə ghe ndə̂mə̀ lwɔ̂ŋ ə vəynve, kə ghənə ə kyi èndom se zhi ə fekàʼ fə endaməfe, è kɨsè se tsɛ̀ echô mbàyn se njiə ndù ə tɔ̂ŋ èghaʼâ.