1 Kɔlìŋ 7:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ezho ghɛ ə ze va zamə, ə nâʼàpî ndè ndam ke atyaʼ kɛ ə Pɛ̂pɛ fo nə è ndam ətəyn, fɨnə ndamə kè endom vɛ ə è tè nyi əfetuʼ fɛ Zhə̀fè tè tɔŋə vəyn. Ə̀ za nyi eghɛ zɛ ə m zaʼlə sê ndɛ sə Fezhə̀ sekɨ̂m.

1 Kɔlìŋ 7:17 ပူးပေါင်းရင်းမြစ်များ

Matyò 19:12

Kûmə̀ nə ghɛ tsɨ̀ə kə nyi ə ghe kaʼa ə ghe nəyn, ə wùə faŋ mə è pâʼà malə̂. Yiə nyi mə ə̀ nyì ke zamə kə tè piə ghənə, yîghe nyi mə ə nəyn əghɨ nə kə ghənə malə, yîghe tə malə̂ kûmə̀ èfɔ̂yn ə Fezhə̀vè. Nâʼà pîndè vɛ ə è kàʼa è pomə zaʼlê zɨ̀yn, pomə.”

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 11:16

Pîza nâʼàpî ndè vɛ è kyiŋə se pì nə ghɛ nə zɨnə mə tsɔ̂fə̀ va, ə mə kyi ke se tsàyn se vəyn nə ghàs, pî ndɛ ə̀ Fèzhə̀ fɨyn kyi va ndom vîve sə̂ ngɨmnə̂ ətəyn.

1 Kɔlìŋ 11:34

Mə chɨ̀ŋ zafə wùə se ghàyn, è və zhiə ə ndɛ, kə shîŋə̀ kɛ ə ghàyn pə̀yn sə eghɛ emɔ̀ʼ, ə è tàʼa nə̀yn eghɛ kə Zhə̀fè fo tsôsvè sê vəyn. Sê ghɛ ə mɔ̀ʼɔghe, shîŋə̀ kɛ m pə̂yn, ə m chise ghàyn eghɛ zɛ ə ghàyn kyi se nə̀yn.

1 Kɔlìŋ 14:33

kûmə̀ nə Zhə̀fè kɔ̂ŋɔ̀ va nə ghâsènì ə saylə̀ nə̂ ndò ghɛghe, pîza nə ghâsènì ə nə̂ ə̀ghɛ èchoze emɔ̀ʼ è pɔ̂ynè. Kè kə ze nyi ə se ndɛ sə Fezhə̀ sɛ ə ghɨ ə Fezhə̀ghè nyi ətəyn,

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 7:18

Ə̂ nyi nâʼàpî ndè mə ə tə se namə vəynghe tsɔ̀fə kə Zhə̀fè tɔŋə vəyn, kə è və momsə sə̂ ndə̂tə̀ èndwɔ̂ elùʼ vɛ ə tè se nam ə vəynghe ətəyn. Ə wùə nyi mə è və pomə tɔŋə̂ ə Fezhə̀zè, ndɔ̀ʼɔ se namə vəynghe, kə è fɨyn pi nə ə se.

1 Kɔlìŋ 7:24

M pîə ə ghɔnyì ghɨmə nə, nâʼàpî ndè ə ghàyn ə fètəyn faŋ ke endom vɛ ə è tè nyì yî Zhə̀fè ətəyn əfetuʼ fɛ ə fe tè tɔŋə vəyn.

1 Kɔlìŋ 7:7

M fə̂ kàʼa ə mə kɔ̂ŋɔ̀ nə nâʼà əghɨ əkɨ̂m ə nyi ke kə̂ mi, pîza Zhə̀fè nyi mə fə fo nâʼàpî ndè è zə vəyn nə kàyntè èfo, nâʼàpî ndè e kyi èkyì ə vəyn ze foze.

2 Kolìŋ 11:28

Ndomte tsɨ̀ə kə nyî kə m fe ngəʼ ətəyn pîza fɨyn va sə̂ taŋa ndûə. Ə̀ nyi ke èghɛ èmɔ̀ʼ ə ze fo ngəʼ se mi, mə za nyì sə̂ tɔ̂ʼnə̀ è ndɛ sə Fezhə̀sè sekɨ̂m.

2 Kolìŋ 8:18

Ghàs ə tom kepî ànyì ə̀ mɔ̀ʼɔ yî vəyn, ə nyi wùə ghɨ ghe kɔ̂ŋɔ̀ vəyn ə sendɛ sə Fezhə̀sè sekɨ̂m kûmə̀ nə è nyîə ke se fɛtə̂ ndàʼa tom èchùŋ.

Ngàleshyà 1:22

Ə tè nyì fumə ashìŋə̀, ghɨ poməghe ə Njòndyâ e nyi mə ə paʼà nyìəm fe mi.

1 Tèsàlonikà 2:14

Ghɔnyiə, ghɛ zɛ ə ze tè tyə̀nə nə tom ə̀ Fèzhə̀ ə zhə̀tè se fɨ̂aʼ ə ghàyn ə fètəyn tè nyi nə, ghɛ ghɛ ghe tè kyàyn sê nɔ̂yn ə ghɨ kɛ ə ke pomə sê Klâys Njisə̀s ə Njòndyâ ə kyàyn kepî sê ghàyn. Ghɨ endaʼ ghaynghe ə fo ngəʼse sê ghàyn, ə̀ nyi kepî sèngəʼ sɛ ə ghɨ Njûsə̀ tè fo sê ghɨ pomə nə ghɛ,

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.