1 Kɔlìŋ 6:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

1 Kɔlìŋ 6:9 ပူးပေါင်းရင်းမြစ်များ

Matyò 19:29

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

1 Kɔlìŋ 15:33

Kə wùə tə lə̂ʼsè ghàyn. Ghàyn e ke nə, “Soynse pise nyiə pofsə̂ endam e chûŋzè.”

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 5:1

Mə zɨ kə̂ ə pîə, ze nyi ke nâʼà səmɔʼ nə ghàyn ndamə tèndam te nyɨŋə nə ə zəynghe è ndômnèghè. Ndom vɛ ə ghàyn ndamə ətəyn enyɨ̀ŋə̀ ə zəynghe è ndômnèghè nyi endom mə ghɨ ghɛ ə keva Zhə̀fè vayn kaʼa ndam zamə. Mə zɨ nə wùə nyi ə ghàyn əfètəyn, nyɨ̂ŋə̀ è zhwìə pɨ̀a vəyn.

1 Kɔlìŋ 5:10

M tè pìə chîə va kûmə̀ ə̀ghɨ fa mbi ə ghe ndamə ndam enyɨŋə nə ə zəynghe è ndômnèghè, è ghɨ ə shiə fɨəghe, è ghɨ ə chɔŋə, è ghɨ ghɛ ə ghe ngɨmnə fɨ̂aʼsèvè, kûmə̀ nə ə wùə nyì se tə əghɨ ə mbi nə ghɨynə̀, ə è laynse za ke ndò mbi zɨ̀nə̀.

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

1 Kɔlìŋ 6:10

è ghɨ chɔŋə, è ghɨ shiə fɨə, è ghɛ ə ghe mɨə lɨ̀m, m̀ ko, è ghɨ ghɛ ə ghe pofsə zə ə ghɨ̀ghè, è ghɨə chɔŋəghe tə kyi va luʼve elùʼ efɔ̀yn ə Fezhə̀vè.

1 Kɔlìŋ 6:18

Ghàyn tə kɛsê epàmə̂ ènyɨŋə̀ ə zəyn è ndômnèghè. Nâʼàpî èghɛ èkè zɛ ə wùə m̀sɔ̀ŋ nə̀, è vayn pofsê ewiyn ə vəyn, pîza wùə vɛ ə è nyɨ̀ŋə yî wùzhɔyn kɨ̀sə yî wùndômə̀, nə̀ pi è pofsə̂ èwiyn ə vəyn.

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

1 Kɔlìŋ 9:24

Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.

2 Kolìŋ 12:21

M fànə̀ nə m tə kɛsə̂ pə̂, ə Zhə̀ fɨmfe ghomse mi ə ghàyn əshi, ə m chi kûmə̀ ə̀ghɨ tsɨə ghɛ ə nyi mə ə nə̀yn ghɛ əpi ə tsɨə ə nyələghe sə mɨ, ə tàʼa kwiynê endam ə ghənə̂zè famə əghɛ ə nyələghe, pîza pɨlə kɔ̂ŋə̀ sə nə̂ ndûə kə ghəynghe èshike.

Ngàleshyà 6:7

Kə wùə nə̂ lesê ngɨŋ ə vəyn. Wùə vayn kaʼa è chɔŋte Zhə̀fè. Ə wùə zho nâʼàpî ghè, ə è tə kwi ke kəynke.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Ipilù 12:16

Ghàyn e tɔ̂ʼnə̀, kə wùə nə̂ fɨ ə ghàyn əfètəyn mə è nə̀ ə̀ghɛ ə nyələghe, kɨ̀sə kə wùə vɛ ə è keva Zhə̀fè kə Esò vɛ ə è tè pəʼle ndumə ə vəynve sə akaŋ afɨazhiəke amɔ̀ʼ.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Njə̂m 1:16

Kə wùə tə lese ghàyn ə ghɔnyì ghɨmghe kɔ̀ŋghè.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.