1 Kɔlìŋ 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Pîə e za nyi nə ghàyn keva nə ə̀ tə ndò ghâsènì ə saʼ tsìsè mə? Ə ze nyi zamə ə ze ə pɔynə̂ va zayn sê ghâsènì se saʼa əghɛ ə mbi gha ghə?

1 Kɔlìŋ 6:3 ပူးပေါင်းရင်းမြစ်များ

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Tom èchùŋ kè kə Lûk tè nyaʼ 8:14

Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.

Ŋwàʼlè ə̀ Pɔ̂l sê ghɨə Lûmghè 6:16

Ghàyn keva nə ezhoghɛ ə wùə ndə̀m ngɨŋə̂ vəyn ə wùə mɔ̀ʼɔ etyə̀ kə akɔ̂s, ə è və nə̂ nâʼàpî èghɛ èkè zɛ ə wùə ətəyn pîə, kə è nyi akɔ̂s se wùə təyn ə? Ghɨ ghɛ ə nyi mə fo ngɨŋ sə ghənə̂sè se ə̀ nə̂ ə̀ghɛ ə pighe, ndâʼà ghənə̂zè nyi ekwu. Pîza wùə vɛ ə è fo ngɨŋə̂ vəyn se nə̀yn kə Zhə̀fè kyiŋə, è nyi wùə vɛ ə è nə̀ ghɛ ghɛ ə ghe nyi chichi ə Zhə̀fè əshi.

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

1 Kɔlìŋ 6:16

Ə̂ nyɨ̀ŋə̀ pîndè yî kwàlə̀kè, ə yî kəynke ə nyi ke sə afɨa àmɔ̀ʼ ə njà èwiyn! Ə tsàyn paynsê ə ŋwàʼlè ə̀ Fezhə̀ nə, “Ghənə ə pɛ̀ tə kɛsə̂ ə nyi ke sə afɨa àmɔ̀ʼ ə njà èwìyn.”

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

1 Kɔlìŋ 6:4

Ə ghàyn kyi kyì ə sesaʼ nə sɛ mə, ghàyn ə njìə ndûə è səynse sê ghɨghe mə ghɨ ə ndɛ ə̀ Fèzhə̀ghè njìə va ghənə sə eghɛ nə saʼ səynse kûmə̀ ghè ə?

2 Timotì 2:4

Nâʼàpî sokə̀ʼ èkè vɛ ə è nə̀ fɨ̂aʼ ə vəynze, mɔ̂msə̀ sə̂ fɨ̂aʼà àchûŋ se nə̀yn nə wùtwɔ ə̀ vəyn ə saŋnə̂. È nə̀ va fɨ̂aʼtè mə ə̀ kyi sə̂ nə̂ ə̀ghɨ mə ə̀ va sesokə̀ʼ.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Pità 2:4

Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.