1 Kɔlìŋ 6:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Wùə kaʼa è pi kepî nə, “Ə zhiə nâʼà pî ghɛ̀, ke ndûə kə endwɔ̀, ndwɔ̂vè nyi ke sə̂ fiə èfɨa ezhiəve.” E nyi ke nâʼà səmɔʼ pîza Zhə̀fè e nyi se tə pofsê èndwɔ̂ə ətəyn pâʼsə̂ kə efɨazhiəve. Wiynə wûəvè vachi nə è və nyɨ̂ŋə̀ è zəynghe, kɨ̀sə ə ndômnè, ve pɨl nyi sə̂ nə̂ efɨaʼ ətəyn sê Pɛ̂pɛ, ə̀ nyi Pɛ̂pɛ vɛ ə è tɔ̂ʼnə̀ ewiyn ətəynve.

1 Kɔlìŋ 6:13 ပူးပေါင်းရင်းမြစ်များ

Matyò 15:17

Ghàyn pâʼà fe nə naʼapi àkè kɛ ə ke nji echo tsɛ̂ tso ndûə kə endwɔ̀, ke ə fɨnə tsɛ̂ fɨə kəndò ə vəyn ewiyn ə̂?

Matyò 15:20

Ə̀ ghɨnə nyi əghɛ ghɛ ə ghe nə̂ nə wùə ə zo va ə Zhə̀fè əshi. Ə̀ vachi ezhoghɛ ə è zhi fɨazhiəve ndɔ̀ʼɔ è shù gho ə ze nə̀ nə̂ vəyn nə è və zo va ə Zhə̀fè əshi.”

Ŋwàʼlè ə̀ Mâk 7:19

“E nyi nyî kûmə̀ nə ə fɨake nji ə vəyn ewìyn, ə ke tàʼa ndù ə vəyn ətəm, ə ke nji ə tàʼa ndùə ə vəyn endwɔ̀ ə ke kɛse tsɛ fɨ ke ndò.” (Njisə̀s tè wàmne nyi se tyə̀yn nə nâʼà èfɨa zhiəve kɨ̂m nə̂ zo kwənə̂ se zhi.)

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Njɔyn 6:49

Ghə̀pɨ̀aə pɨ̀a ghaynghe tè zhi apayn ə kwaŋ kɛ ə tè tɔŋtə nə manà elùʼ ashəshəve, pîza ghənə ə kwuə.

Ŋwàʼlè ə̀ Pɔ̂l sê ghɨə Lûmghè 12:1

Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 6:12

Kə ghàyn fɨyn za nə pi ə kyi àtyaʼ ə ghàyn etûə èwìyn achaʼ mchike. Zɛ mə nə̀ nə̂ ə ghàyn ə fɨyn va chùmtè əghɛ ghɛ njà ewìynse kyiŋə.

Ŋwàʼlè ə̀ Pɔ̂l sê ghɨə Lûmghè 7:4

Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

2 Kolìŋ 11:2

M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

2 Kolìŋ 5:15

Klâys tè kwu ke sê ghɨ ghəkɨ̂m, kə ghɨ ghɛ ə ghe ndamə nə pa ndamə va endom vɛ ə ve fɔmə sê ghənə, pîza ndamə kûmə̀ wùə vɛ ə è tè kwu ə ghənə ə tu, Zhə̀fè ə fɨnə zômsə̀ vəyn.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Ɛfesùs 5:23

Ghàyn ke nə wùndômə̀ nyi nyî nyi àtu sê zhwiə vəyn kèpi èghɨ kə Klâys nyi atu sê ndɛ ə̀ Fèzhə̀ mə za nyi ewiynə vəyn, ə sɔ̂zâ vəyn ghɨ ətəynghe.