1 Kɔlìŋ 6:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

1 Kɔlìŋ 6:11 ပူးပေါင်းရင်းမြစ်များ

Matyò 20:4

È və pìə sê ghənə nə, ‘Ghàyn pɔŋ səʼ ndu ə ghâ fɨ̂aʼà ə mìə afùʼ etwɔmke ə m nə ndaʼ ghàyn èkɛ vɛ ə ve kwəynə.’

Tom èchùŋ kè kə Lûk tè nyaʼ 18:14

M pîə sê ghàyn nə wùə nə vɛ tè fɨ ə piə è kwɨlə̂ tânə̀ ə və ndɛ kè mə Zhə̀fè ə kəʼsê pisə vəynse, pîza ə tàʼa kəʼsê ə sepi sə wùə ə̀ Falàsî sɛ. Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn ə chi, ə naʼapi ndè vɛ ə è nji ngɨŋ ə vəyn ə chi, ə Zhə̀fè nə̂ kɔʼsə vəyn ekwùtwəyn.”

Njɔyn 13:10

Njisə̀s ə pìə nə, “Pindè vɛ ə è nyi mə è və kàynè shu wiynve, è fɨyn kyi va se shùə ewiyn ekɨ̂m, ə̀ tsɛ̂ kə va gholə. Ghàyn nyîə zo zôyn, pîza zo va əkɨ̂m.”

Njɔyn 13:8

Shimuyn Pità ə kwiynsə̂ ə pìə nə, “Ò nə shuə va ghol ghɨmə nâʼà tuʼ fife.” Njisə̀s ə pìə sê vəyn nə, “Ə M va se shù əghôl ghɛ, ə o fɨyn va chùmtè èpàm zɨ̂mzè.”

Ətefɨ̂aʼ 13:39

E za tyə̀nə̀ nə ə̀ pomə pi ndè sê vəyn, ə è sɔza vəyn ə və ghɛ piə. Saʼ ə Mosîszè tè vayn kàʼa e sɔ̀zâ wùə.

Ətefɨ̂aʼ 22:16

Pî zôyn nyi, ò lɨmtə̂ ghè? Ndwi kɔʼ ə fiə m̀mo kə ə shu tsɨsè sèpi sɛse, mə ò tsə̀mə̀ ndûə sê Vəyn.›

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 3:24

Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn.

Ŋwàʼlè ə̀ Pɔ̂l sê ghɨə Lûmghè 4:5

Pîza ə wùə tàʼa fɨ̂aʼ ə ndə̀mə̀ ə və təm nə, kə zhi pomə Zhə̀fè, nə zɛ mə tə nə̂ ə zhi ə nyi chichi ə Zhə̀fè əshi, ə Zhə̀ fɛ ə fe nə̂ nə ghɨ pighe ə nyi chichi ə və shi, È nə̀ njiə vəyn kə wùə vɛ ə è nyi chichi ə Zhə̀fè əshi kûmə̀ nə è və pomə̂ vəyn.

Ŋwàʼlè ə̀ Pɔ̂l sê ghɨə Lûmghè 5:1

Nyiəmə kə pomə ghasènìze nyi mə zə nə̀yn ghâsènì è nyi chichi ə Zhə̀fè əshi, ghasènìə ghə̀ Zhə̀fè nyi èpɔynè. Ə̀ nyi Pɛ̂pɛ ə ghâsènì Njisə̀s Klâys ə È nə̀yn nə ghâsènì ə nyi è pɔ̂ynè ghasènìə ghə̀ Zhə̀fè.

Ŋwàʼlè ə̀ Pɔ̂l sê ghɨə Lûmghè 5:9

Ghâsènì nyi achûŋ ghasènìə ghə̀ Zhə̀fè kûmə̀ m̀ndəm mə Njisə̀s mɛ ə m̀ tè sɨ̀sə ə ghâsènì elùʼ. Ə ndəm mɛ ə m̀ tè sɨ̀sə ə ghâsènì elùʼ ndəm ghâsènì achûŋ ə Zhə̀fè əshi, piə zɨnə mə chwîtə̀ sê ghâsènì nə Klâys tə sɔzâ ndò ghâsènì ə Zhə̀fè enyɔ̀ʼsè etɔŋve ə È tsɨ tsɛ piə?

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

Ŋwàʼlè ə̀ Pɔ̂l sê ghɨə Lûmghè 8:33

Ə̀ tə pîə ndè nə ghɨ ghɛ ə Zhə̀fè chitê nyi mə ə pfɨ̀ saʼa? Ə̀ pi Fezhə̀ è ngɨŋə̂ vəyn nə ghâsènì nyi əghɨ ghɛ ə ghe nyi chichi ə və shi.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 12:2

Ghàyn ke ndô nə ə̀ tè nyi kə ghàyn tè nyìəm va əghɨ poməghe, e ləʼsə̀ ghàyn ə tendom te tsɨəte nə ghàyn ə ngɨmnə̂ èfɨaʼsè mə ve kyi va ndamze.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Ngàleshyà 3:11

Zə fɨ ə ndayn zôyn nə wùə vayn kàʼa è və nyi chichi ə Zhə̀fè əshi mə ndə̀mə̀ àlâŋ, kûmə̀ nə ə nyàʼ ə Ŋwàʼlè ə Fèzhə̀ nə, “Ghɨ ghɛ ə ghe nyi chichi kûmə̀ èkyî epomə̂ ə ghənə̂zè tə kyiə èndam səmɔʼ.”

Ngàleshyà 3:24

Nyiəmə, lâŋkè e tɔ̂ʼnə̀ kəndò è ghâsènì se zaʼâ kə Klâys pəyn se nə̀yn nə ghâsènì ə nyi chichi ə Zhə̀fè əshi kûmə̀ èkyî epomə̂zè.

Ngàleshyà 3:8

Ŋwàʼlè ə̀ Fèzhə̀ ə tə pì tsɔ̀fə ə shîŋə̀ ə təynke kwəynə nə, Zhə̀fè tə nə̂ ə ghɨə ghɛ ə va ə ghɨ ə Njûsghè ə nyi chichi ə Zhə̀fè əshi tɔynə̂ ə ghənə ekyî epomə̂zè. Zhə̀fè ə ke ndàʼà ə tom èchùŋ sə shi sê Aplàghâm nə, ‘Fe tə pɔsə̂ tèndaʼ tèkɨ̂m tɔynə̂ ə vəyn.’

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

Ipilù 10:22

Kə ze nyi nyî, ə ghâsènì pəyn paʼsê ə Zhə̀fè ə ngwùŋ è təm ə səmɔʼghe, èkyî epomə̂ ə səmɔʼze, è təmghe mə ə shù zosê ə tə̂ ghɛ ghɛ ə ghe saʼa ghâsènì, è wîyn mə ghasènîəm mə ə shù ə mmò mə̂ èzomè.

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

Ipilù 2:11

Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

1 Njɔyn 2:12

M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.