1 Kɔlìŋ 5:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

1 Kɔlìŋ 5:5 ပူးပေါင်းရင်းမြစ်များ

Matyò 4:10

Njisə̀s ə pə̀ynsə̀ nə, “Kɛse ə mi epàm ə Satàyn. Ŋwàʼlè ə̀ Fèzhə̀ pi nə, ‹Ngɨmne Pɛ̂pɛ Zhə̀ fɛfe ə fɨaʼà kə sê Fəynfe.›”

Tom èchùŋ kè kə Lûk tè nyaʼ 22:31

Njisə̀s ə fɨnə tɔŋtə Shimùyn ə piə nə, “Shimùyn, Shimùyn, o kɛ nə Satàyn ə ndɔyn ndom se shə̀ʼ ə ghô kə ə nə̂ shə̀ʼə̀ m̀pfɨ̂ŋ,

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 11:32

Pîza Pɛ̂pɛ saʼa è və pɔynsə̂ ghâsènì kə shîŋə̀kè tə pəyn ə è tàʼa tsɨ̀yntə pofsə ghâsènì paʼsə̂ kə è mbi.

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

2 Kolìŋ 10:6

Ə ghàyn tyə̂yn sê ghàs nə ghàyn sè zɨə ndò ghɛ, ə ghàs ke fo ètsôs sê ghɨ ghɛ ə ghe zɨə va ghɛghe ə ghàyn əfètəyn.

2 Kolìŋ 12:7

Pîza se nə̀yn nə kə kɔʼsə èwiyn kûmə̀ ə̀ghɛ kayntə tsɨə ghɛ ə tè tyə̀yn sê mi. Ə̀ za nyi eghɛ zɛ ə tè za zaf efofləze nə zə pəyn nji ə mì ə njà èwìyn. Zaf ətəynze tè nyi wùə èfɨaʼa ə̀ satàyn kə ə tom nə ze pəyn ə ze ə fo ngəʼ sê mi, kə ndɔ̀ʼɔ mə ghaŋsə tsɛ̂sə̀ èwiyn.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

1 Timotì 1:20

Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

1 Njɔyn 5:16

Ə fe pi ndè ànyìə vəyn kə è nə̀yn pi, ə va pi se chyàsə vəyn yî Zhə̀fè, è və tsə̀mə̀ sê vəyn kə Zhə̀fè nəyn ə ànyìə vəyn nə vɛ ə ndamə. M pîə ə̀ghɨ ghɛ ə ghe nə̂ pi è va se chyâsè əghənə yî Zhə̀fè. Pi zhîzè nyîə nyi, ə zɛ ə wùə nə̀yn, è zə chyasə̀ vəyn yî Zhə̀fè, m piə va nə ghàyn tsəm kûmə̀ èkyì ə pi nə zɨ̂nə̀.