1 Kɔlìŋ 5:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Nyiə mə, ghàyn zùŋtə̀ nâʼàpi ashìŋə̀ àkè, m nyi ə ghàyn ə fètəyn ə sezuʼ tɔynə̂ ə Pɛ̂pɛ Njisə̀s Klâys atyaʼ vɛ ə è nyì ghâsènì.

1 Kɔlìŋ 5:4 ပူးပေါင်းရင်းမြစ်များ

Matyò 16:19

M nə̀ fo àchɔʼ elùʼ efɔ̂yn ekwùtwəynke sê ghò. Ə ò kwiynse pî ghè ə chi, ə tə kwiynsê ekwùtwəyn. Ə ò pomə pîghè ə chi, ə tə pomə̂ ekwùtwəyn.”

Matyò 18:20

Kûmə̀ nə ə ghɨ tsɨsə nâʼàpî ghayn se zaʼâ ə̀ pɛ̀ kɨ̀sə əta ə Mì ezə, M mə nyi ə ghənə fètəyn.”

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Njɔyn 20:23

Ə ghàyn lɛ̀sè fo pi piə ndè, ə pi vəyn ə nyi mə ə və lɛ̀sè fo. Ə ghàyn tàʼa lɛ̀sə fo ə piə wùə, ə nyi mə ə paʼà lɛ̀sè fo pi ə̀təyn.”

Ətefɨ̂aʼ 16:18

È və nə̀ zɨnə mə sə mtuʼlə̂, ə kɔʼɔ fɨə andiŋ kyîke, Pɔ̂l ə nyɔ̀ʼsə̀ ètɔŋ ə pìə se zuʼse pi nə sɛ ə se tè nyi ə ngɔ̀yn ə̀ vayn è zhɔyn nə vɛ ewìyn nə, “M kânə̀ sê ghò ezə Njisə̀s Klâyszè tsɛ fɨə ə vəyn ewìyn!” Zuʼse pi nə sɛ ə fɨə ə vəyn ewìyn kè sə ashìŋə̀ nə kɛ.

Ətefɨ̂aʼ 3:6

Pîza Pità ə pìə sê vəyn nə, “M kyi va kɛve nâʼà səkɔs se fo sê ghò, pîza nyi se fo kə afɨa kɛ ə m kyi. M piə sê ghò ə Njisə̀s Klâys və Nazalɛ̀t ezə nə ò ndwi ə̂ ò kwi.”

Ətefɨ̂aʼ 4:30

Tyə̀yn tyaʼ kɛke ò tsuʼə ə̀ghɨ. Tsàmte ghàs nə ghàs ə nə̂ sèchwìə è ghɛ kayntəghe tɔynə̂ ezə Njisə̀szè, ə wùə èfɨ̀aʼa vɛ ve èŋwaʼa.”

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 13:3

Kə ghàyn sè pfɨfə chwìə se tyə̀yn nə Klâys wàmnə̀ tɔynə̂ ə mi, ghàyn nə̀ fe zə̂ynzè. È pɔylə̂ va endom vɛ ə è fɨaʼà ətəyn ghâyn ghə̀ ghənə, pîza è fɨaʼa è tyaʼe tsɨəke ə ghàyn ə fètəyn.

2 Kolìŋ 2:6

Ghàyn yîghe se tsɨ̀ se nyi mə ə kàynè pɔynsê wùə nə vɨnə mə, mə zɛ mə ə kwəyn.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.