1 Kɔlìŋ 5:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

1 Kɔlìŋ 5:11 ပူးပေါင်းရင်းမြစ်များ

Matyò 18:17

Mə è tàʼa zɨtê sê ghənə, o njìə ndûə è vəyn sê ghɨ ə ndɛ ə̀ Fèzhə̀ghè. Mə è tàʼa pa zɨtê sê ghɨghe ə ndɛ ə Fèzhə̀, o njìə vəyn kə wùə vɛ ə è tàʼa tyəmə kê Fezhə̀, pî kə wùə ètənə nə̂ sètaks.

Matyò 23:25

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə. Ghàyn ghɨnə ə ghàyn kaŋkaŋa nə̂ ghɛ nyi! Ghàyn shùə tsɨ̀m ə̀ wà è kaŋke, pîza fɨa zhiə vɛ ə ve nyi əfètə̂ ətəyn e nyi mə ghàyn kyi fi sê ghɨə sə atyaʼ kûmə̀ əshi ə fɨə.

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

1 Kɔlìŋ 10:14

Kûmə̀ zɨnə mə ə soyn sɨmse, ghàyn zàmaʼà èfɨaʼsè engɨmnəve.

1 Kɔlìŋ 11:21

kûmə̀ nə ghàyn piə zhiə ndò, ghàyn yîghe ə ndûə əshi sə zhiə kə èfɨazhiə ə vaynve, kûmə̀ zɨnə mə, chɨ̀ŋ e zafə ə̀ghɨ əmɔ̀ʼɔghe, mə ghə mɔ̀ʼɔghe ə zhi tsɛsè.

1 Kɔlìŋ 5:13

Kè kə ŋwàʼlè ə̀ Fezhə̀ pìə nə, “Ghàyn chum fɨsê wùə èpi vɛ ə ghàyn ə fètəyn.” Zamə, ə Zhə̀fè tə saʼ ə̀ghɨ ghɛ ə ghe va ə ghâsènì anɔ̀yn.

1 Kɔlìŋ 6:10

è ghɨ chɔŋə, è ghɨ shiə fɨə, è ghɛ ə ghe mɨə lɨ̀m, m̀ ko, è ghɨ ghɛ ə ghe pofsə zə ə ghɨ̀ghè, è ghɨə chɔŋəghe tə kyi va luʼve elùʼ efɔ̀yn ə Fezhə̀vè.

1 Kɔlìŋ 6:6

Pîza ànyì pɨlə njîə ndûə è ànyì ə̀ mɔʼɔ ə ndɛ ə̀ saʼ, mə ghɨ ghɛ ə saʼa va əghɨ ə pomə.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

1 Kɔlìŋ 7:12

Sê ghɨ mɔ̀ʼɔ ghɛ ə ghe faŋ ndɔ̀ʼɔ ə m wâmne kûmə̀ ghənə, m pîə nə, (Ə̀ pìə mi zɨ̂nə̀ ə̀ vachi Pɛ̂pɛ), ‘Ə wùə èpomə kyi zhwi ndɔ̀ʼə è pomə, zhwî ə̀təyn ə pomə̂ se ndam yî vəyn, kə è nə chum vəyn.’

1 Kɔlìŋ 7:15

Pîza ə wùə vɛ è tàʼa pomə, è kɔ̂ŋɔ̀ se zà ə ndomə̀ vəyn kɨ̀sə zhwi ə vəyn, è və zà kə ndò. Ə ze kyayn nyì, ə ghɛ ətəynze ə va ə wùə ndomə̀ èpomə kɨ̀sə zhwi èpomə ətu, kûmə̀ nə Zhə̀fè kyiŋə nə ghâsènì ə ndamə è pɔ̂ynè.

1 Kɔlìŋ 8:11

Ə ze nyi nyî, ə nyi mə o tɔynê ə ghò etɔf ə pofsə̂ ànyì ve vɛ ə è pɔ mə Klâys tè kwu kûmə̀ vəyn.

Ngàleshyà 2:12

Tsɔ̀fə kə ghɨ mɔ̀ʼɔ ndo sê Njə̂m ə pəyn fu, Pità tè nyîə zhiə yî ghə̀ ghɨ ghɛ ə tè vachi ə̀ghɨ ə Njûsghè. Pîza ə pə̀ kə ghɨ ə təynghe pə̂yn, Pità ə zhə̀tə̀ sè kɔ̂ytə̀ ndùə kə epàm ə ghaŋə ə̀ghɛ ə tàʼa fɨnə zhi yîghə̀ ghɨ ghɛ ə̀ tè vachi ə̀ghɨ ə Njûsghè kûmə̀ nə è tè fànə əghɨ nə ghɨ̂yn ə tè pìə nə, ə kyi sə̂ se ənam əghɨ̀ ghɛ ə̀ tè vachi ə̀ghɨ Njûsghè, nyi mə pomə̂.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

Ɛfesùs 5:5

Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

2 Tèsàlonikà 3:14

Ə wùə kwiynse nə zhi nə̂ va ghɛ zɛ ə ghàs nyàʼ sê ghàyn fâ ŋwàʼlè, ghàyn ə ndə̀mə̀ èshi ə vəyn ewìyn. Kə ghàyn ə nə kɨŋnə ghɛghe ghâyn ghə ghənə kə ghənə ə ghomə̂.

2 Tèsàlonikà 3:6

Ghàs pìə èghɛ ə ghɔnyì mə ghàyn kyi se nə zəynze nə, ezə ə Pɛ̂pɛ ə ghâsènì Njisə̀s Klâys nə, ghàyn fɨl tsə̀m saynse sê ghɨə pomə ghɛ ghe ndamə ndam ezɔləze, ndə̂mə̀ va chwîtè zɛ ə ghàs chwìtə̀ ghənə.

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.