1 Kɔlìŋ 5:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M tè pìə chîə va kûmə̀ ə̀ghɨ fa mbi ə ghe ndamə ndam enyɨŋə nə ə zəynghe è ndômnèghè, è ghɨ ə shiə fɨəghe, è ghɨ ə chɔŋə, è ghɨ ghɛ ə ghe ngɨmnə fɨ̂aʼsèvè, kûmə̀ nə ə wùə nyì se tə əghɨ ə mbi nə ghɨynə̀, ə è laynse za ke ndò mbi zɨ̀nə̀.

1 Kɔlìŋ 5:10 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Njɔyn 15:19

Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.

Njɔyn 17:6

Mə nə̀yn nə ghɨ ghɛ ə ò tè fo sê mi ə mbi ə ke ghô. Ə̀ tè nyi əghɨ ghɛ; O fo sê Mi, ghənə ə nə̀yn ghɛ zɛ ə tom Zɛ̂zè pìə.

Njɔyn 17:9

M tsə̀mə̀ se ghənə. M tsə̂mə̀ chiva se ghɨə mbiə, pîza se ghɨ ghɛ ə Ò fo sê Mi, kûmə̀ nə ə̀ nyi əghɨ ghɛghe.

Njɔyn 8:23

Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.

1 Kɔlìŋ 1:20

Wùə ètɔfə se vâyn zə? Tyə̀ynsè èsaʼ vâyn? Nâʼà wùə vɛ ə è ke se wàmnè ə əghɛ ə mbi ghɨnə ghe nâʼà àchuŋ vàyn zə? Pîə Zhə̀fè ə nə̀yn tɔf eghaʼâ ə ghɨ mbi zɛ ze kɛse sè nyi ke ango ə?

1 Kɔlìŋ 10:27

Ə wùə vɛ ə è nyi ndɔʼɔ è pomə Klâys ndàmnè ghò nə ò pəyn zhi ə zhì ə ndɛ, ò ndûə, zhiə nâʼàpî ghè vɛ ə tsɛ̂sè nə ò zhi, mə ò pfɨfə va pfɨfze se chwìtè nə təm ghɛ nyîə saʼa ghò.

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

1 Kɔlìŋ 5:9

Ə fètə̂ ŋwàʼlè zɛ ə m tè nyàʼ pəyn sê ghàyn, mə tè tsàyn se ghàyn nə kə ghàyn kyi se nə̀yn ghâyn ghə̀ ghɨ ghɛ ə ghe ndamə ndam enyɨŋə nə zəynghe, è ndômnèghè.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

1 Njɔyn 4:5

Fɨ̀aʼtè sə akaŋse nyi əghɨ ə mbighe, ghənə wâmnə̀ ə̀ghɛ kûmə̀ ə̀ghɛ mbiə, mbi e zɨtə̂ sê ghənə.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.