1 Kɔlìŋ 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghàyn nyi mə ghàyn ə kyî nâʼàpî àkè kɛ ə ghàyn kyiŋə! Ghàyn nyi mə ghànə ghaʼ kwəyn! Ghàyn kàyne nyi tèfɔ̂yn pi kə ghàs va tefɔ̂yn! M fe kàʼa m mə kɔŋə̀ nə ghàyn ə nyi tèfɔ̂yn səmɔʼ kə̂ ghâsènì ə saʼa əmɔ̀ʼɔ

1 Kɔlìŋ 4:8 ပူးပေါင်းရင်းမြစ်များ

Matyò 5:1

Kə Njisə̀s tè fe nɔ̂yn ə ghɨ̀ vɛ, ə kɔʼɔ ə pfɨ̀yn ə tsɨsə̂ fumə. Chùmtè epàm sə vəynse ə zùŋtə̀ ə və ngwùŋ.

Tom èchùŋ kè kə Lûk tè nyaʼ 6:25

Ngəʼ èghaʼâ e nyì sê ghàyn ghɛ ə ghàyn zhiə kolə zôyn kûmə̀ nə chɨŋse tə fɨnə zafə ghàyn. Ngəʼ èghaʼâ e nyi sê ghàyn ghɛ ə ghàyn chaʼa zôyn kûmə̀ nə ghàyn tə nə̂ ə ghàyn ə nyi ekômə̀ èwiyn fɨnə chîə.

Ətefɨ̂aʼ 26:29

Pɔ̂l ə fɨ̀ysə̀ nə, “Ə̀ kàʼa nyi fèfɨ̂atə̀ fə ashìŋə̀fè, ə̀ kàʼa ə nyi àghaf etyâkè. Tsə̂m zɨme sê Zhə̀fè nyi nə gho è ghɨ ghəkɨ̂m ghɛ ə zɨtə sê mi ndâyn pəyn sə̂ nyi àfɨa kɛ m nyi kəynke, pîza m tsə̂mə̀ va nə ə ndəm ghàyn ə sechaʼ kə nyi mə ə ndə̀m mi zôyn.”

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 1:5

Kûmə̀ nə ghàyn nyì sə afɨa àmɔ̀ʼ e Klâys, ghàyn ə kyi fɨa echûŋvè ekɨ̂m, fɛtê ke se ndàʼa tom ə̀ Fezhə̀, fɨyn kyi ètɔf èkɨ̂m.

1 Kɔlìŋ 4:18

Ghɨ mɔ̀ʼɔghe ə ghayn ə fètəyn ghaŋsə̂ èwiyn, kəpiə m tə fɨnə pə̂ fe va ghàyn.

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

2 Kolìŋ 11:1

Ə wâmnè zɨm kyi pî ə̀ghɛ angôghe ətəyn, m tsə̂mə̀ nə ghàyn kol təmə ə zɨte sê mi. M chyatə̂ nə ghàyn kol təmə!

2 Kolìŋ 13:9

Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

Etyə̂yn ə paynsêzè 3:17

Ò pìə nə, ‘ò nyiə kyi èkɛ, mə o fɨ̂aʼ kɛve, lâʼà va fɨake.’ Pîza ò pìə za ke va nə ò nyi afɨa ə laʼsəke, è fɨa ə kosə nə esəynke, nyi afɨf mə o fòf fɨnə kwiə è sas ezomze.

Etyə̂yn ə paynsêzè 5:10

O nə̀yn ghənə e nyi əghɨ elùʼ efɔ̀ynvè mə ghənə nyi əghɨ ə kɔʼsə nə eshyə̀ ghɛ ə fɨaʼà sê Zhə̀fè mə ghənə tə saʼa èfɔ̂yn ə mbize.”