1 Kɔlìŋ 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ M wàmnə̀ əghɛ nə ghɨnə̀ ə ghɔnyì ghɨmə kûmə̀ ngɨŋ zə̀m ghasè Àpolòs kə̂ ze tsamte ghàyn, kə ghàyn zaʼle se ghàs sə nə̂ kə èghɛ zɛ ə nyaʼ ə ŋwàʼlè ə̀ Fezhə̀. Famə endom kə wùə sê ghàyn tə ghaŋsê èwiyn nə wùə vîvè ə ghàs ə fètəyn tsɛ̂ ndò və mɔ̀ʼɔ.

1 Kɔlìŋ 4:6 ပူးပေါင်းရင်းမြစ်များ

Ətefɨ̂aʼ 18:24

Ə̀ tè nyì fumə ashìŋə̀, wùə ə Njûs vîvè e tɔŋtə̂ nə Àpolòs mə ə tè piə vəyn endaʼ ə Àlèksandilyà, ə pə̀ ə Ɛfesùs. È tè nyi wùə ke se fɛtə wàmnè, kyi kepî ètɔf ə ŋwàʼlè ə̀ Fèzhə̀zè nâʼà àchûŋ.

Ətefɨ̂aʼ 19:1

Ə̀ tè nyi kə Àpolòs nyi endaʼ ə Kolìnzè, Pɔ̂l ə kwìə tɔynə̂ apàs endaʼ nə kɛ ə ndùə ə Ɛfesùs, ə fe ə̀ ghɨə pomə əmɔ̀ʼɔ̂ fumə,

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 1:12

Ghɛ zɛ ə m pîə nyi nə nâʼàpî ndè ə ghàyn ə fètəyn wâmnə̀ kə sə nɨŋ. Ghɨ yîghe pìə nə, ghənə nyi əghɨ ə Pɔ̂lghè; yîghe pîə nə, ghənə nyi əghɨ ə Àpolòsghè; ghəmɔ̀ʼghe e pìə nə, ghənə nyi əghɨ ə Sefàsghè, yîghe pîə nə, ghənə nyi əghɨ ə Klâysə̀.

1 Kɔlìŋ 1:19

Ze nyi ke èghɨ kə̂ ə nyaʼ ə ŋwàʼlè ə̀ Fezhə̀ nə: “M nə̀ pofsə̂ ètɔf eghaʼâ zɛ əghɨ ə tɔfəghe kyi, m nə̀ nə̂ ə ŋwàʼlè əghɨ̀ ə ŋwàʼlèghè ə va nâʼà eghɛ zhize.”

1 Kɔlìŋ 1:31

Ə̀ za nyi eghɛ zɛ ə ze nyi ke èghɨ kə̂ ə nyaʼ ə ŋwàʼlè ə Fezhə̀ nə, “Ə̂ ghaŋsə pîndè wiyn, è ve ghaŋsə̂ kə kûmə̀ èghɛ zɛ ə Pɛ̂pɛ nyi mə È və nə̀yn.”

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

1 Kɔlìŋ 3:19

È kyi se nə̀yn nyî kûmə̀ nə tɔf zɛ ə ghɨ mbiə ghɨnə kyi nyi ango sê Zhə̀fè, kè kə nyi mə ə nyàʼ ə ŋwàʼlè ə̀ Fèzhə̀ nə, “Zhə̀fè njìə ètɔf eghaʼâ ə ghɨ̀ ə tɔfəghe kè se ko ghənə ətəyn.”

1 Kɔlìŋ 3:21

E za nyi nə kə wùə nə ghaŋsê èwiyn kûmə̀ wùə m̀sɔ̀ŋ, kûmə̀ nə Zhə̀fè ə fo ke fɨave ekɨ̂m sê ghàyn,

1 Kɔlìŋ 5:2

Ghɛ kyaʼa nyî, ghàyn e ghaŋsə̂ èwiyn kûmə̀ ghɛ̀? Pîə ghàyn fe pɨl nyi sə̂ nyi èkome ewìynve se fɨnə chùmə fɨsə wùə vɛ ə è mòmə̀ kyì eghɛ nə zɨnə ə ghàyn anɔ̀yn ə?

1 Kɔlìŋ 5:6

Ghaŋsê ewìyn zayn zɨnə̀ tsɔ̀fə̀ va. Ghàyn ke nə fèsə̀ʼ fe tətə̂fè nyiə nə̂ panə kwaŋke əfètə̂ àkaŋ eghaʼâkè e kɔʼɔ?

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 10:12

Ghàs pìə va nə ghàs nyi anɔ̀yn ə ghɨ ghɛ ə ghe wàmnə̀ ghɛ ə chûŋghè kûmə̀ sèngɨŋ sə ghənə̂sè. Ghàs pìə nə, ghənə ə ndə̀m fɨ̀aʼnèkè sə̂ fɨaʼnə̀ sengɨŋ sə ghənə̂sè ətəyn. Ghənə nə̂ ə̀ghɛ ghe kyi va tɔfze.

2 Kolìŋ 10:15

Ghàs pâʼà nə̀yn pofsê ghɛze kə epfɨ̂yn angàŋtèzè kûmə̀ èfɨaʼ mə ghàs paʼà nə̀yn. Ghɛ zɛ ə ghàs lotə kyiŋə nyi nə ghàyn ə ndəmə̂ ə ghàyn epomə̂, kə fɨ̂aʼ zɛ ə ghàs nə̂ ə ghàyn əfètəyn pɔŋ zham nâʼà sə ŋaŋ.

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

2 Kolìŋ 12:6

Ə m pfɨ̂nə̀ pî ngàŋtèkè kûmə̀ ngɨŋ zɨm, ə mə pfɨ̂nə̀ va kə ango kûmə̀ nə m nə pîə kə èghɛ zɛ ə ze nyi səmɔʼ. Pîza m nə̀ pfɨnə̀ va ngàŋtèkè kûmə̀ nə m kɔŋə̀ va nə ghàyn ə kwaʼtə̀ nə m nyiə kɔʼnə̂ tsɛ̂ èndom vɛ ə ghàyn kwàʼtə̀ ashìŋə̀ kɛ ə ghàyn fe fɨ̂aʼ kɛ ə m nə̂yn ə zɨə èghɛ zɛ ə m pîə.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.