1 Kɔlìŋ 4:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

1 Kɔlìŋ 4:5 ပူးပေါင်းရင်းမြစ်များ

Matyò 10:26

“Kə ghàyn fɨyn fayn əghɨ msɔ̀ŋghe kûmə̀ nə ghɛ zhize va ə ndətə̀ ə ze tə faŋə se fɨ ə ndayn. Nâʼà pîghè vɛ ə ndətè, ə tə kê.

Matyò 24:30

Epàm ətəyn, ə chwìə epə̂ ə Vâ wùəzè fɨ ekwùtwəyn, əghɨ tèndâʼà tə mbite nâʼà tèkɨ̂m ə nuŋnə̂ chîə è fâynzè ashìŋə̀ kɛ ghənə fe Vâ wùə, e tso pə̀ etuə sèmbàʼ ekwùtwəyn, kyi àtyaʼ epomsê eghaʼâzè.

Matyò 24:46

Wùə èfɨ̀aʼa ətəyn nə saŋnə ashìŋə̀ kɛ pɛ̀ efɨaʼ ə̀ vəyn pi kɛsə pə̀ ndò, e ve nə̂ eghɛ zɛ è tè pi.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Njɔyn 21:22

Njisə̀s ə pìə nə, “Ə M za nə è və ndamə kə ndò nâʼà kə m nə kɛse pəyn, ngəʼ zɛ̂zè nyi ghè ətə? Ò kyi ke se chùmtè ə Mi.”

Njɔyn 21:23

Ə̀ za nyi eghɛ zɛ ə ze tè nəyn, chùmtè èpàm sə Njisə̀sè e pîə nə, vɨnə mə tə kwuə va. Pîza, Njisə̀s tè paʼà pì nə è tə kwuə va. È tè pi nə, “Ə M za nə è nə ndamə kə ndò nâʼà kə M tə kɛsê pəyn, ə ngəʼ zɛ̂zè ə nyi ghè ətəyn ə?”

Njɔyn 5:44

Ghàyn kɔ̂ŋɔ̀ sə̂ fiə ètsîtè sê ngɨŋ saynse, pîza kɔŋə̀ va se fiə etsîtè sê Vɛ È nyì və̂yn mɔ̀ʼ, nyi Fèzhə̀, ə ghàyn ə nyi kàʼa pomə zayn sê Mi ə?

Ŋwàʼlè ə̀ Pɔ̂l sê ghɨə Lûmghè 14:4

Ò nyì nâʼà ndè sə̂ saʼa wùə èfɨ̀aʼa ə wùə ə ndò ə? Ə̀ kyi ke Pɛ̀ èfɨaʼ se pì nə ghɛ zɛ ə è nə̀yn pofə ndò, kɨ̀sə ze tsɔ̂fə̀ ndò. Pîza tyaʼa ə Pɛ̂pɛ ke nə̀ tsâmtə̀ wùə èfɨ̀aʼ nə è nəyn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 2:1

E za tyə̀ nə nâʼàpî ndè vɛ ə è saʼa ghɨghe kɔ̀ŋə è və nyi pi ndè kiva ghɛ zhize se pì kə kaʼa lɛse fo ghənə, kûmə̀ nə shîŋə̀ kɛ ə ò saʼa ghɨghe mə ò nə̀ kəpi èghɛ zɛ ə ò saʼa ghənə sə təyn, ze tyə̂ nə nâʼà ghò ə nə̀yn ngɨŋ zɛ̂zè nə è pfɨ saʼ.

Ŋwàʼlè ə̀ Pɔ̂l sê ghɨə Lûmghè 2:16

E za tyə̀nə̀ nə ə Fetuʼ fə saʼfe, Zhə̀fè tə saʼa ə̀ghɨ ə̀kɨ̂m ətə̂ ə̀ghɛ ghɛ ə ghənə kwaʼtə̀, è ghɛ ə ghənə ndə̂tə̀ nə̂ ndô. È tə fo Njisə̀s è tyaʼ nə kɛmə nə È saʼ ghɨghe. Ə̀ ghɨnə nyi əghɛ ghɛ ə m tsâ sê ghɨghe ezhoghɛ ə m ndaʼà tom èchùŋ.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

1 Kɔlìŋ 1:7

Ze ə nə̀yn nə ghàyn tə faŋə va se fiə nâʼàpi èpɔse èkè zɛ Zuʼse ə Fezhə̀sè fo kə ghàyn lɨmtə shîŋə̀ kɛ ə Pɛ̂pɛ ə̀ ghâsènì Njisə̀s Klâys tə tyə̂nə̀ paynsə̂ ngɨŋə̂ vəyn ətəyn.

1 Kɔlìŋ 11:16

Pîza nâʼàpî ndè vɛ è kyiŋə se pì nə ghɛ nə zɨnə mə tsɔ̂fə̀ va, ə mə kyi ke se tsàyn se vəyn nə ghàs, pî ndɛ ə̀ Fèzhə̀ fɨyn kyi va ndom vîve sə̂ ngɨmnə̂ ətəyn.

1 Kɔlìŋ 11:26

E za tyə̂nə̀ nə nâʼàpî ashìŋə̀ àkè kɛ ə ghàyn zhiə payn ə kwaŋ nə kɨ̂nə̀, mɨə fa wà, ə zə nyi nə ghàyn tsà tom èkwu ə̀ Pɛ̂pɛ se zaʼâ kə è tə kɛsê pəyn.

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.

1 Kɔlìŋ 3:13

Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

1 Kɔlìŋ 3:14

Zhə̀fè tə maʼtə̀ nâʼàpî ndè ezhoghɛ ə nyɔ̂ʼ fɨa vɛ ə njì se pɛ fumə achi ə ndɛke, ve ə tàʼa fu.

1 Kɔlìŋ 3:8

Wùə vɛ è zho è wùə vɛ e sɨ̀s môm nyi ke èghɨ, nâʼàpî ndè e nyi se tə kyiə emaʼtə vəynve kè kə̂ è tè fɨ̀aʼa.

2 Kolìŋ 10:18

Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

2 Kolìŋ 10:9

Nâʼàpî zâ m kɔ̂ŋɔ̀ va nə ze ə kyaʼà kə m tsɨŋsə̂ ndò ghàyn è ŋwàʼlè sɨmse.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

1 Tèsàlonikà 5:2

Ghàs pìə nyî kûmə̀ nə nâʼà ghàyn nyîə ke sə ghàyn ngɨŋ nə, tuʼ vɛ ə Pɛ̂pɛ tə kɛsə pə̂ ətəyn tə kwənə mə wùə ke va, kè kə wùə è chɔŋɔ nə̂ è və pə̂ ètuʼve.

Ipilù 4:13

Nâʼàpî ghè vɛ Zhə̀fè fɛte nyîə panə kə ə ndayn sê vəyn. Fɨa kyîke va ə ke ndə̂tə̀ sê vəyn, ghâsènì e nyi se tə tyə̂m ə və shi se taŋə ə njo ə ghâsènì kûmə̀ nâʼà pî ghè kə tè nə̂.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Njə̂m 5:7

Ghàyn e wəynsə kə ndò wiynve ə ghɔnyì ghɨmə se zaʼâ kə Pɛ̂pɛ tə kɛse pə̂yn. Ghàyn fe kə wùə afûʼ fə̀ fûʼ ə vəynke ə zho, è ve wəynsə kə ndò wiynve se zaʼâ kə fɨazhiə vəyn ve chûŋvè ndəmə. È kyi se kol ətəm se lɨmtê kə pìŋ pfɨ, è kɨsè ghol etsɨə zɛ ə ze nə̂ tso tsɔ̀fə kə kwi.

Njə̂m 5:9

Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

2 Pità 3:12

kə ghàyn lɨmtə sê Tuʼfə Fezhə̀fè, mɔ̂msə̀ nâʼà sə ŋaŋ kə ghàyn kàʼa momse, nə fe zaŋse pəyn. Tuʼ nə fɛ tə pə̂ è pofsê awuləze mə ə̀ nyi ewus, ə fɨa awuləve puŋ kûmə̀ azuʼə̀ ewùske.

2 Pità 3:4

pfɨfə nə, “Piə Pɛ̂pɛ ə tə tsɨ̀nè nə è tə kɛsə̂ pə̀ ndo? È se vâynzə? Pɨ̀a ə ghasènìghe nyi mə ghe ə kàynè kwute, pîza nâʼàpî èghɛ èkè e pa nyi ke èghɨ kə ze tè nyi tsɔ̀fə kə ə pom mbi!”

Njût 1:14

Enɔ̀k vɛ ə è tè nyi feghâŋ fèsɛ̀mbɛ ə Andàm epàm, ə tə tsàyn kûmə̀ èghɛ zɛ ə ze tə kyânə̀ kûmə̀ ghənə nə, “Ghàyn zɨte! Pɛ̂pɛ tə pə̂ è tsì sə vəyn se Ŋwaʼase kamse se tsɨ̂ə kə nyî,

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.

Etyə̂yn ə paynsêzè 20:12

Mə fɨnə fe əghɨ mə ə tə kwutê, yîghe nyi əghɨ ə ghaʼlə̂ghè, yîghe nyi əghɨ ə tətə̂ghè, ghənə e tyəm fu ashi fekyə̀ fə efɔ̀ynfè. Ə ŋaʼsə̂ se ŋwàʼlè ə fɨnə ŋaʼsə̂ ŋwàʼlè zhîzè, ə nyi ŋwàʼlè ə̀ghɨ ə ndaməghe, e sè naynə̂ sè ŋwàʼlè sətəynse, saʼa kə ghənə əghɛ ghɛ ə ghənə tè nə̂ kè kə tè nyàʼ fumə ə seŋwàʼlè.