1 Kɔlìŋ 4:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

1 Kɔlìŋ 4:21 ပူးပေါင်းရင်းမြစ်များ

1 Kɔlìŋ 4:18

Ghɨ mɔ̀ʼɔghe ə ghayn ə fètəyn ghaŋsə̂ èwiyn, kəpiə m tə fɨnə pə̂ fe va ghàyn.

1 Kɔlìŋ 5:5

Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 10:6

Ə ghàyn tyə̂yn sê ghàs nə ghàyn sè zɨə ndò ghɛ, ə ghàs ke fo ètsôs sê ghɨ ghɛ ə ghe zɨə va ghɛghe ə ghàyn əfètəyn.

2 Kolìŋ 10:8

Pɛ̂pɛ ə fo tyaʼa sê ghàs ə ghàyn ətu, mə ghàs sè pfɨ̂nə̀ tsɛsə̀ ngàŋtèkè kûmə̀ àtyaʼ ətəynke, ə ghàs ə ghomə̂ va kûmə̀ nə È fo nə m fɛte ghàyn è kəynke, è pâʼà fo nə ghàs pofse ghàyn è kəynke.

2 Kolìŋ 12:18

Mə tè chyatê Taytùs nə è pəyn fe ghàyn, ə tomə kəpi ànyì və mɔ̀ʼɔ yî vəyn. E za nyi nə Taytùs tè lese ndô ghàyn ə fiə àfɨa mə? Ghâsè vəyn tè nə̂ kə va ghɛghe eghɨ, kyi ke ekwâʼtè èmɔ̀ʼ ə?

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 13:2

Ə̀ tè nyi kə m pə̂yn se fe ghàyn nə ə̀ ndu shîŋə̀ tepɛ̀, mə fo fɨ̀as sê ghɨ ghɛ ə ghe tè nə̂ ghɛ piə. M nə̀ fo fɨ̀as ə̀təyn zôyn, va pî ə ghàyn ə ngwùŋ. Ə m kɛse pə̂yn, ə m fo tsôsvè sê nâʼàpî ndè vɛ ə è tè nə̀yn pofsê sə mɨ è ghə mɔ̀ʼɔghe əkɨ̂m.

2 Kolìŋ 2:1

Ə̀ nyiə nyi eghɛ zɛ ə m nji chɔʼnêzè se tàʼa kɛsə pə̀yn se ghàyn se nə̀yn nə ghànə fɨnə saŋnə va.

2 Kolìŋ 2:3

Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 3:10

Ghâsènì kàʼa pi nə kûmə̀ epomsê zɨnə zôyn ə ze panə nâʼà sə ŋaŋ, pomsê zɛ ə ze tè panə sə ŋaŋ sə shi ə ndò.

Ngàleshyà 6:1

Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.

1 Tèsàlonikà 2:7

Ghàs tè kàʼa ə ghàs ə pfɨfə nâʼà èfɨa sê ghàyn kə ghɨətom ə Klâysghè pîza ghàs ə pɔsə̂ kɨmə̂ kə ndò. Pîza ghàs tè nyîə pɔynə̂ shîŋə̀ kɛ ə ghàs tè nyì ghâsènì kə nyìə vayn ə è tɔ̀ʼnə̀ è ghɔ vəynghe.

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.