1 Kɔlìŋ 4:2 - Ŋwàʼlè ə̀ Fèzhə̀ Mkâyn Mə̂ Fèm

² Nâʼà eghɛ e tɛ zɛ ə kyiŋə se ghɨə fɨaʼa ə təynghe nyi nə, ghənə fɨaʼà sê pɛ̀ èfɨaʼ ə̀ ghənə è təm ə ghənə̂ghè əkɨ̂m.

1 Kɔlìŋ 4:2 ပူးပေါင်းရင်းမြစ်များ

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 4:3

Pîza sè mi, m kɔ̂ŋɔ̀ va se ke nə ghàyn saʼa mi kɨ̀sə ə saʼa ndò mi ə ndɛ ə̀ saʼ zhizè fa mbi, Nâʼà pî mi saʼa va ngɨŋ zɨ̂mè.

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Kòlosè 1:7

Tom nə zɨnə mə sê ghàyn tè ndàʼa Èpafalàs, ə wùə àfɨaʼ ə̀ Njisə̀s Klâys. È nyi wùə vɛ ə ghasènyìə ghə̀ ghənə tè fɨ̀aʼa, ghàs e ngɨsə̂ kɔ̂ŋə̀ vəyn. È fɨ̀aʼà se Njisə̀s Klâys è təm ə vəynghe əkɨ̂m. Fɨ̂aʼ zɛ ə ghàs tè kyi se nə̀yn, ə̀ nyi zəynze ə è nə̀ zôyn kə è nyì ghâynghə̀ ghənə.

Kòlosè 4:17

Ghàyn pi sê Akipùs nə è və ke nə è kyi se mɨ̀sè efɨ̂aʼ ə Pɛ̂pɛ zɛ ə fo sê vəyn nə è nə̀yn.

Kòlosè 4:7

Ànyìə ghâsènì Tìkikùs nə̀ tsâ se ghàyn nâʼàpî èghɛ èkè zɛ ə ze nyi mə zə kyàyn se mi. Ə̀ nyi soyn vâs vê pomə vɛ ə ghàs kɔ̀ŋə̀, ə̀ nyi vəyn vɛ ə è tsàmtə̀ mi è təm ə vəynghe əkɨ̂m, kɔʼsə Fèzhə̀ kaʼke amɔ̀ʼ ghasè vəyn.