1 Kɔlìŋ 4:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 4:17 ပူးပေါင်းရင်းမြစ်များ

Matyò 24:45

Njisə̀s ə fɨnə pfɨfə nə, “Wùə èfɨ̀aʼa vɛ è zɨə pɛ̀ efɨ̀aʼ ə̀ vəyn fɨnə tɔfə nyi vɨ̀yn və? Ə̀ nyi vɛ ə pɛ̀ efɨaʼ ə̀ vəyn pî è ndùə èkwî, è və ndə̀mə̀ nə è və nyi àtu sê ghɨ mɔ̀ʼɔ, fo èfɨazhiəve sê ghɨə ashìŋə̀ kɛ ə ghənə kyiŋə.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

1 Kɔlìŋ 11:16

Pîza nâʼàpî ndè vɛ è kyiŋə se pì nə ghɛ nə zɨnə mə tsɔ̂fə̀ va, ə mə kyi ke se tsàyn se vəyn nə ghàs, pî ndɛ ə̀ Fèzhə̀ fɨyn kyi va ndom vîve sə̂ ngɨmnə̂ ətəyn.

1 Kɔlìŋ 11:2

M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.

1 Kɔlìŋ 11:34

Mə chɨ̀ŋ zafə wùə se ghàyn, è və zhiə ə ndɛ, kə shîŋə̀ kɛ ə ghàyn pə̀yn sə eghɛ emɔ̀ʼ, ə è tàʼa nə̀yn eghɛ kə Zhə̀fè fo tsôsvè sê vəyn. Sê ghɛ ə mɔ̀ʼɔghe, shîŋə̀ kɛ m pə̂yn, ə m chise ghàyn eghɛ zɛ ə ghàyn kyi se nə̀yn.

1 Kɔlìŋ 14:33

kûmə̀ nə Zhə̀fè kɔ̂ŋɔ̀ va nə ghâsènì ə saylə̀ nə̂ ndò ghɛghe, pîza nə ghâsènì ə nə̂ ə̀ghɛ èchoze emɔ̀ʼ è pɔ̂ynè. Kè kə ze nyi ə se ndɛ sə Fezhə̀ sɛ ə ghɨ ə Fezhə̀ghè nyi ətəyn,

1 Kɔlìŋ 16:1

Zôyn, tɔynə̂ eghɛ zɛ ə ghàyn tè nyaʼ kûmə̀ èkɛ vɛ ə tè nyì se fo se tsàmtə əghɨ epoməghe ətəyn ə Njòndyâ, ghàyn kyi se nyəʼlə nə kə eghɛ zɛ m tè pi nə ndɛ sə Fezhə̀sè nəyn ə Ngàleshyà.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 4:14

M nyâʼà va ghɛ ghɨnə̀ nyî se ghomsê ə ghàyn, m pɨlə nyâʼà se zaʼlə ghàyn kə̂ ghɔyn ekɔ̀ŋ ghɨmə.

1 Kɔlìŋ 4:15

Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

1 Kɔlìŋ 4:2

Nâʼà eghɛ e tɛ zɛ ə kyiŋə se ghɨə fɨaʼa ə təynghe nyi nə, ghənə fɨaʼà sê pɛ̀ èfɨaʼ ə̀ ghənə è təm ə ghənə̂ghè əkɨ̂m.

1 Kɔlìŋ 7:17

Ezho ghɛ ə ze va zamə, ə nâʼàpî ndè ndam ke atyaʼ kɛ ə Pɛ̂pɛ fo nə è ndam ətəyn, fɨnə ndamə kè endom vɛ ə è tè nyi əfetuʼ fɛ Zhə̀fè tè tɔŋə vəyn. Ə̀ za nyi eghɛ zɛ ə m zaʼlə sê ndɛ sə Fezhə̀ sekɨ̂m.

1 Kɔlìŋ 7:25

M pîə èghɛ zôyn se pə̀ynsè eghɛ zɛ ə ghàyn tè pfɨf kûmə̀ ə̀ghɨ ghɛ ə ghe pa tsɨs ndɔ̀ʼɔ malə. M kyi va lâŋkè mə ə̀ tsɛ̀se Pɛ̂pɛ, m pîə kə èghɛ zɛ m̀ kwâʼtə̀ kə wùə ə Pɛ̂pɛ kose səyn sê vəyn ə nə̀ ghɨghe ə samsə̂ vəyn.

2 Kolìŋ 8:18

Ghàs ə tom kepî ànyì ə̀ mɔ̀ʼɔ yî vəyn, ə nyi wùə ghɨ ghe kɔ̂ŋɔ̀ vəyn ə sendɛ sə Fezhə̀sè sekɨ̂m kûmə̀ nə è nyîə ke se fɛtə̂ ndàʼa tom èchùŋ.

Ɛfesùs 6:21

M tomə Tìkikùs, ə è tsayn nâʼàpî ghè sê ghàyn kə ghàyn ke saʼghe kûmə̀ mi è ghɛ zɛ m nə̂. Ghàs kɔ̂ŋɔ̀ vəyn nâʼà àchûŋ. È nyi ke nâʼà ànyìə ghâsènì ve chùŋ, fɨ̂aʼà sê Pɛ̂pɛ ke nâʼà ètəm ə vəyn ghəkɨ̂m.

Filìpây 2:19

Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Filìpây 2:22

Ghàyn ngɨŋ saynse əkɨ̂m ke ndô kə Timotì va nyi mə è və chwìtè nə zhi nyîə fɨaʼà tsɔ̂fsə̀. È nə̀ èfɨaʼ ə ndaʼa nə tom èchùŋ kè kə vayn nə̂ fɨaʼà yî pɨ̀a.

Kòlosè 1:7

Tom nə zɨnə mə sê ghàyn tè ndàʼa Èpafalàs, ə wùə àfɨaʼ ə̀ Njisə̀s Klâys. È nyi wùə vɛ ə ghasènyìə ghə̀ ghənə tè fɨ̀aʼa, ghàs e ngɨsə̂ kɔ̂ŋə̀ vəyn. È fɨ̀aʼà se Njisə̀s Klâys è təm ə vəynghe əkɨ̂m. Fɨ̂aʼ zɛ ə ghàs tè kyi se nə̀yn, ə̀ nyi zəynze ə è nə̀ zôyn kə è nyì ghâynghə̀ ghənə.

Kòlosè 4:9

È pə̀ yî Ònesimùs ə ànyìə ghâsènì vɛ ə ə̀ nyi kepî wùə vâyn və ànɔ̀yn. È nyi kepî wùə èpomə èchùŋ, ghàs kɔ̀ŋɔ̀ vəyn nâʼà àchûŋ. Ghənə nə̀ tsâ nâʼàpî eghɛ èkè zɛ ə ze kyàynə̀ se ghàs fâyn.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

2 Timotì 1:2

Timotì, vâyn èkɔ̀ŋ vɨm, ə Zhə̀fè, mə za nyi Pɨ̀a, yî Klâys Njisə̀s, ə Pɛ̂pɛ ə̀ ghâsènì fo fùʼ ə vəynke sê ghò, è kosê esəyn, è pɔ̂ynè.

2 Timotì 2:2

Njì zaʼlê zɛ ə ò tè zɨə kə m zaʼlə ə ghɨə tsɨəghe əshi, ə fo tsosə̂ se ghɨ ghɛ ə ò samsə̂ mə ghənə kaʼa zaʼlê ghɨə mɔ̀ʼɔghe.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Taytùs 1:5

M tè zà ghô ə klìlit nə ò chise ghɛ ghɛ ə ghe tè nduə va achûŋ fumə, ə ò chɔʼte kepî sèchəʼ ə se ndɛ̂ sə Fezhə̀sè nâʼà pi ə tɔ̂ŋ èkè, kè endom vɛ ə m tè pì sê ghò.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.