1 Kɔlìŋ 4:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

1 Kɔlìŋ 4:15 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:20

Kɔ̂ŋ zɨme shîŋə̀ tekɨ̂m nyi nə m ndaʼa tom èchùŋ elùʼ vɛ ə nyi mə ə paʼà zɨ kûmə̀ Klâys. M tè nəyn nyiəmə kə m tàʼa ndù elùʼ vɛ ə wùə mɔ̀ʼɔ nyi mə è və kàynè zhə̂tè fɨ̂aʼzè.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 15:1

M kyiŋə zôyn ə ghɔnyì ghɨmə se pyə̀ytè ə tom èchûŋ zɛ m tè tsàyn sê ghàyn, gha zɨə ə pomə sè tyəm kə təyn.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 3:6

M zho ngwàʼ, Àpolòs e sɨsə̀ m̀mo esas ətəyn, pîza ə̀ nə̂ Fezhə̀ kə ngwàʼ ə̀təyn ndəmə.

1 Kɔlìŋ 3:8

Wùə vɛ è zho è wùə vɛ e sɨ̀s môm nyi ke èghɨ, nâʼàpî ndè e nyi se tə kyiə emaʼtə vəynve kè kə̂ è tè fɨ̀aʼa.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:14

Kèpi èghɨ, Pɛ̂pɛ ə tsɛ̀sè sə esaʼ nə ghɨ ghɛ ə ghe ndaʼà tom èchùŋ kyîə èfɨazhiə ə ghənəvè fumə ə tom èchùŋ nə zɛ mə ə ghənə ndâʼà.

1 Kɔlìŋ 9:16

M kiva sə̂ ghaŋsə ewìyn kûmə̀ kə̂ kə m ndaʼà tom èchùŋ. Nâʼà sə kàyn, ə̀ se nyi efɨaʼ mə ə ndə̀m nə m kyi sə̂ nə̂, mə m tàʼa ndaʼà ə tom èchùŋ ə̀təyn, ə tsôs ekaynə və nyi ə mì ətu!

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

Ngàleshyà 3:24

Nyiəmə, lâŋkè e tɔ̂ʼnə̀ kəndò è ghâsènì se zaʼâ kə Klâys pəyn se nə̀yn nə ghâsènì ə nyi chichi ə Zhə̀fè əshi kûmə̀ èkyî epomə̂zè.

Ngàleshyà 3:25

Zôyn kə kyî epoməzè nyi mə zə pə̀yn, Lâŋkè fɨnə tɔ̂ʼnə̀ va è ghâsènì.

Ngàleshyà 4:19

Ghɔyn ghɨm ghe chûŋə̀, m fɨnə zɨə ètɨ̂m kûmə̀ ghàyn eghɨ kə nyìə vayn ashìŋə̀ kɛ vayn zafə, se zaʼâ kə ghàyn nə ndam èndam zɛ ə Klâys kyi.

2 Timotì 4:3

Shîŋə̀kè tə pə̂ mə ghɨ kɔ̂ŋə̀ va se zɨtê sê zaʼlê ə səmɔʼze, pîza chûmtə̀ èghɛ zɛ ə ghənə kɔ̂ŋə̀, ə ghənə ə kyiŋə ndûə setyə̀ynsè è ngɨŋ sə ghənə̂sè, sɛ ə se tsâ ghɛ ghɛ ə tôŋnê ə ghənə̂vè kɔ̀ŋə̀ se zɨ.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.

Filemùyn 1:19

Ə̀ nyâʼà kə nâʼà mi è gho kɨmke sê ghò nyiə nə, “Mi Pɔ̂l nə̀ ndaʼà nâʼàpî àndàŋ àkè kɛ ə Ònesimùs kyi se ndàʼ.” Kə ò nə lɛsè nə kè nâʼà èndam zɛze nyi kə andàŋ ə ò kyi se fo sê mi kûmə̀ nə mə tə tsàmtè ghò nə o nyi chùmtè ə̀ Klâys.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.