1 Kɔlìŋ 4:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ M nyâʼà va ghɛ ghɨnə̀ nyî se ghomsê ə ghàyn, m pɨlə nyâʼà se zaʼlə ghàyn kə̂ ghɔyn ekɔ̀ŋ ghɨmə.

1 Kɔlìŋ 4:14 ပူးပေါင်းရင်းမြစ်များ

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

1 Kɔlìŋ 4:15

Ə nyì pî nə ghàyn kyi əghɨ ghe tsɨ̂ə nâʼà pi zàyn se chwìtè əghɛ kûmə̀ Klâys se ghàyn, ghàyn e ke tso nə ghàyn kyi ke pɨ̀a emɔ̀ʼ. Ə ghàyn endam kə əghɨ ə poməghe se Klâys Njisə̀s, m nyi pɨ̀a sê ghàyn tɔynə̂ ə tom èchùŋ zɛ ə m tè zaʼle ghàyn ətəyn.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

1 Kɔlìŋ 6:5

Ghàyn ghomə̂ va? Pîə e za nyi nə wùə vîvè va ə è tɔfə kwəynə ə ghàyn ə fètəyn vɛ ə è kàʼa è saʼ saʼ saynse mə?

1 Kɔlìŋ 9:15

Pîza m paʼà pfɨf fɨa vɨ̀yn pî kə ə̀ nyi eluʼ vɨmve se pfɨfə vəynve. M nyâʼà pîə va ghɛ zɨnə̀ nə ghàyn fo sê mi fɨa vɛ ə m nyi se kyî. Wùə vîvè vayn kàʼa è tyəmse ghaŋsê zɨmze wìynze kûmə̀ èghɛ nə zɨ̂yn.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 7:3

M pìə va ghɛ nə ghɨ̂yn se pì nə ghàyn ə nə̀yn pofsê ghɛze. M se nyi mə mə pì nə ghàs nyîə kɔ̂ŋɔ̀ ghàyn nâʼà sə ŋaŋ, nyi sə̂ pa kɔ̂ŋɔ̀ kə ndò ghàyn, kə kyàyn pî ghè.

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

1 Tèsàlonikà 2:11

Ghàs tè kyî ghàyn kè kə pɨ̀a vayn kyi ghɔ vəynghe,

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

2 Tèsàlonikà 3:14

Ə wùə kwiynse nə zhi nə̂ va ghɛ zɛ ə ghàs nyàʼ sê ghàyn fâ ŋwàʼlè, ghàyn ə ndə̀mə̀ èshi ə vəyn ewìyn. Kə ghàyn ə nə kɨŋnə ghɛghe ghâyn ghə ghənə kə ghənə ə ghomə̂.

Filemùyn 1:10

M chyatə̂ nə ò tsamte Ònesimùs kə̂ è se nyi sê mi kə vayn vɨm. Ə̀ tè nyì kə m nyi ə ndɛ chaʼ, è ve nyi kə vayn sê mi kûmə̀ nə mə tə tsàmtè vəyn nə è kyi ndam efeze mə ze ndo sê Zhə̀fè.

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

3 Njɔyn 1:4

Ghɛ zhîze va ə ze kaʼa ze nəyn, ə m fɨyn tɔʼ saŋne tsɛ̂ kə m zɨ nə ghɔyn ghɨmə tyəm ke eghɛ zɛ ə ze nyi səmɔʼ.