1 Kɔlìŋ 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàs fɨaʼà è tyaʼa, kè nâʼà è gho ghasə. Ə ghɨ sôylə̀ ghàs, ghàs e pɨlə tsə̂mə̀ nə Zhə̀fè pɔse ghənə, e tsə̀fsə̀ ghàs, ghàs e wəynə kə ndò.

1 Kɔlìŋ 4:12 ပူးပေါင်းရင်းမြစ်များ

Matyò 5:11

Pɔsê nyì sê ghàyn ezhoghɛ ghɨ sòlə̀ ghàyn, chɔʼɔ àghol kaynke, fɨnə wamtə̂ tèkyì tə ekwaŋte tekɨ̂m kûmə̀ ghàyn kè kûmə̀ nə ghàyn nyi əghɨ ghɨmə.

Matyò 5:44

Pîza, M tsâ sê ghàyn zôyn nə, ghàyn kɔ̂ŋɔ̀ sèpàyn saynse, tsə̂mə̀ sê ghɨ ghɛ ə chɔʼɔ ghol ghaynghe.

Tom èchùŋ kè kə Lûk tè nyaʼ 23:34

Njisə̀s ə piə sê Pɨ̀a vəyn nə, “Lɛse fo ghənə ə Pɛ̂, kûmə̀ nə ghənə ke va ghɛ zɛ ə ghənə nə̂.” Ghənə ə ndə̀mə̀ sendzɨs sə vəynse sè tɨmə pèʼ, nə ə̂ zhi pi nde, ə è nji.

Tom èchùŋ kè kə Lûk tè nyaʼ 6:28

Ghàyn pɔsə̂ ghɛghe sòylə̀ ghàyn, tsə̀mə̀ sê ghɛghe nyâplə̀ è ghàyn.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Ətefɨ̂aʼ 18:3

kûmə̀ nə Pɔ̂l tè tàsə kəpi èfɨa è pfɨ̀ sə nyâmsè kə ghənə, e və ke faŋ fɨaʼà yî ghə̀ ghənə.

Ətefɨ̂aʼ 20:34

Nâʼà ghàyn nyîə ke sə ghàyn ə ngɨŋ nə, pi ghè vɛ ə ghasè ghɨ anɔ̀yn ghɨmə tè kyi, nyi mə ə̀ fɨ̂aʼ kê mi è gho ghɨmə.

Ətefɨ̂aʼ 7:60

È və fɨnə tɨmə ə̀ndzɨs ə vəynghe ə chi ə chìə è kyə̀ e tɛ ə pìə nə, “Pɛ̂pɛ, lɛ̀se fo pi ə̀ ghənə zɨ̀yn.” È və pìə nyî, ə kwuə.

Ŋwàʼlè ə̀ Pɔ̂l sê ghɨə Lûmghè 12:14

Ghàyn e tsə̂mə̀ nə Zhə̀fè pɔse ghɨ ghɛ ə ghe tsə̀fsə̀ ghàyn, tsə̂mə̀ nə è pɔse, ə̀ vachi nə è liŋ.

Ŋwàʼlè ə̀ Pɔ̂l sê ghɨə Lûmghè 12:20

Ə nyàʼ ə ŋwàʼlè ə̀ Fèzhə̀ nə, “Ə chɨ̀ŋ zafə pàyn zɛ̂zè, o fo àfɨa, ə è zhi, pfɨ̀ŋ m̀mò e zafə vəyn, o fo àfɨa, ə è mɨ. Ə ò nə̀ nyiə mə, ə nyi mə ò ə ghomsê ghənə, ghənə e kyiŋə tèndom se kwiynê.”

Ŋwàʼlè ə̀ Pɔ̂l sê ghɨə Lûmghè 8:35

Ə̀ kàʼa ə̀ chyase nâʼà ndè ghâsènì ə Klâys e kɔ̀ŋ ə? Ə̀ kàʼa ə̀ chyase tsôsvè mə, əghɛ kə ghe tɛ mə, ə̀ nyi etsə̂fsè mə, ə chɨ̀ŋ kə è zafə ghâsènì mə, afɨf mə, əghɛ ə kwəmnəghe kə ghe tsɨŋsə̂ ghâsènì mə, nâʼà èkwu zɛ ə ze nyi se tə pə̀yn sê ghâsènì mə?

1 Kɔlìŋ 9:6

Mə ə̀ nyì ke ghasè Pànapàs ə kyi sə̂ fɨaʼà kə ndò tsɔ̀fə ə kyi kɛve mə?

2 Kolìŋ 11:8

E tè nyi kə m chɔŋə ndò ndɛ sə Fezhə̀ sə mɔ̀ʼɔse kûmə̀ nə kə m tè fɨ̀aʼa sê ghàyn ə̀ ndô ghənə ndaʼà mi.

Ɛfesùs 4:28

Ə nyi mə ə̀ chɔŋɔ pîndè, kə è fɨyn chɔŋ. È pɨl kyi sə̂ fɨ̂aʼà èghɛ è gho vəynghe, kyi àfɨa sə̂ tsâmtə̀ əghɨ mɔʼɔ ghɛ ə ghe kyi va.

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

2 Tèsàlonikà 3:8

Ghàs tè paʼà zhi fɨa ə wûəkè ə faŋə se ndàʼ. Ghàs tè pɨlə fɨ̀aʼa nâʼà è tyaʼa, èchwì è kɨsè ètuʼve endom se kyî ekɛ kə ndɔ̀ʼɔ ghàs ə pfɨfə èkɛ se ghàyn se zhɔyn efɨa vɛ ə ghàs kyiŋə.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

1 Pità 2:23

Ə̀ tè nyi nâʼàpî kə ghɨ sôylə̀ vəyn, è və tàʼa pə̀ynsè è sôylèzè. Ə̀ tè nyi kə ghɨ fo ngəʼ sê vəyn, è və tàʼa kàyntè əghɛ. È tè fo ke ngɨŋ ə vəyn sê Zhə̀ fɛ ə fe saʼa kə chichi.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 3:9

Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

Njût 1:9

Pi Maykèl kə è tè nyi atu ə sètsìkè tè pâʼà mɔ̀msè se pì è tyaʼ ə vəyn kə ngɨŋke sê ndə̂plè nə è zə nə̀yn pi kə yî zə̂yn tè kyi saʼne kûmə̀ èpfɨyn ə Mosîsè. È tè pɨl pi kə sê zə̂yn nə, “Pɛ̂ Zhə̀fè nə̂ zɔ̂ sê ghò.”