1 Kɔlìŋ 4:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 4:10 ပူးပေါင်းရင်းမြစ်များ

Matyò 24:9

Ghɨ tə kyîə ghàyn ə fo ə ghɨghə gho ə ghənə tsɨfse ə zhwite ghàyn. Ndâʼà tekɨ̂m tə nə̂ ə tə pânə̀ ghàyn kè kûmə̀ Mi.

Matyò 5:11

Pɔsê nyì sê ghàyn ezhoghɛ ghɨ sòlə̀ ghàyn, chɔʼɔ àghol kaynke, fɨnə wamtə̂ tèkyì tə ekwaŋte tekɨ̂m kûmə̀ ghàyn kè kûmə̀ nə ghàyn nyi əghɨ ghɨmə.

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Tom èchùŋ kè kə Lûk tè nyaʼ 18:9

È və fɨnə mɛ̀ ngàyn zhizè sê ghənə ghəmɔ̀ʼɔ ghɛ ə ghe tè fe kə ngɨŋ sə ghənə̂sè tə nyi tyəm chichi, ghɨə mɔʼɔ ghe e tyəm va, ə piə nə,

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 17:32

Ə tè nyi kə ghənə zɨ kə Pɔ̂l wàmnè ghɛze kûmə̀ èzômə̀, ghɨə mɔ̀ʼɔghe e sè chaʼa vəyn, pîza yîghe e pîə nə ghənə kɔ̀ŋɔ̀ ndò se zɨə kwəynsê ekyì ewàmnè nə zɛ mə.

Ətefɨ̂aʼ 26:24

Ə pə̀ kə Pɔ̂l wàmnè fa endom se tsàmtè ə ngɨŋə̂ vəyn, Festùs ə pɨa pîə se vəyn nə, “Pɔ̂l! Ò va ə ghò etɔf! laynə̂ etsɨə tsɛsə zə nə̀yn tu kɛa ke ke fɨ səʼ.”

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

1 Kɔlìŋ 1:25

Kûmə̀ nə ghɛ ə Fezhə̀ zɛ ə ze nyi kə ango nyîə kyi ètɔf eghaʼâzè tsɨ̂ə tsɛ̂ ètɔf eghaʼâ ə wûə m̀sɔ̀ŋze, mə ghɛ zɛ ə ze kyaʼà kə ze kyi va tyaʼa se Zhə̀fè nyîə kyi àtyaʼ tsɛ̂ àtyaʼ ə wûə m̀sɔ̀ŋke.

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 2:3

Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 3:2

M tè pfɨte ghàyn è yîynə̀m, ə̀ vachi èfɨazhiə e tɛve kûmə̀ nə ghàyn tè nyìəm va èpɨaʼtêzè se zhiə vəynve, pî zôyn, ghàyn pa va èpɨaʼtêzè se zhiə vəynve.

1 Kɔlìŋ 4:8

Ghàyn nyi mə ghàyn ə kyî nâʼàpî àkè kɛ ə ghàyn kyiŋə! Ghàyn nyi mə ghànə ghaʼ kwəyn! Ghàyn kàyne nyi tèfɔ̂yn pi kə ghàs va tefɔ̂yn! M fe kàʼa m mə kɔŋə̀ nə ghàyn ə nyi tèfɔ̂yn səmɔʼ kə̂ ghâsènì ə saʼa əmɔ̀ʼɔ

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 11:19

Ghàyn njìə sèngɨŋ saynse kə ghɨ ghɛ ə ghe kyi tsɛsè ètɔf, ə̀ za nyi eghɛ zɛ ə ghàyn nyi è saŋnêzè sə̂ zâ èngo nə və nyi!

2 Kolìŋ 11:29

Ə m fe wùə è ve pɔ, ghɛ ətəynze fo ngəʼ sê mi, ze ə nə̀ mi m pɔŋə pɔ. Ə wùə pfɨ̀ əfètəyn əpi, ghɛ ətəynze fo ngəʼ sê mi nâʼà sə ŋaŋ.

2 Kolìŋ 13:9

Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

2 Kolìŋ 4:12

E za tyə̀nə̀ nə ghàs nò ekwu tuʼmè m̀kɨ̂m endom kə ghàyn kyi ndamze.

2 Kolìŋ 6:8

Ghɨə mɔ̀ʼɔ nyîə kɔʼsə ghàs, ghɨə mɔʼɔghe wàmnə̀ əghɛ piə kûmə̀ ghàs. Ghɨə mɔ̀ʼɔghe tsîtə̀ ghàs, ghə mɔʼɔghe sôylə̀ kə ndò. Ghàs e wàmnə̀ kə səmɔʼ pîza ghɨghe e njiə ghàs sə əghɨ̀ akaŋghe.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

1 Pità 4:14

Ə ghɨ sôylə̀ ghàyn kûmə̀ nə ghàyn nyi sechùmtè sə Klaysè, ghàyn e saŋnə kə ndò kûmə̀ nə zɨ̂nə mə tyə̂nə̀ nə Zuʼsə Fezhə̀ sɛ ə se kyi tyaʼke nyîə nyi è ghàyn.