1 Kɔlìŋ 3:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

1 Kɔlìŋ 3:9 ပူးပေါင်းရင်းမြစ်များ

Matyò 15:13

Njisə̀s ə pə̀ynsə̀ nə, “Nâʼàpî fèkaʼ fèkè fɛ ə Pɨ̀a vɨm vɛ è nyi ekwùtwəyn tàʼa zho, ə nə̀ chɔʼɔ fɨsə̂ fəynfe.”

Matyò 16:18

M pîə sê ghò Pità nə, ò nyi anayn, mə fa etûə anayn M nə̀ pɛ ndɛ àtsɨ̂ynte zɨ̂mzè. Mə pî àtyaʼ ekwuke vayn kaʼa ə ke nəʼse zə̂ynzè.

Matyò 9:37

È və pìə sê chùmtè èpàm sə vəynse nə, “Fɨazhiəu nyi se kwì, tsɨ̀ə kə nyi, pîza ghɨe kwiəghe tətə̂ kə nyi.

Ŋwàʼlè ə̀ Mâk 16:20

Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Ətefɨ̂aʼ 4:11

Njisə̀s nə vɨ̂yn tè nyi wùə vɛ ə Ŋwàʼlè ə̀ Fèzhə̀ tè pìə ghɛ ghɨnə kûmə̀ Vəyn nə: ‹Chi zɛ ə ghɨ pomə tè làŋ mâʼà, zə kɛse sə èchi epòlə̀ ə ndɛze.›

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 3:6

M zho ngwàʼ, Àpolòs e sɨsə̀ m̀mo esas ətəyn, pîza ə̀ nə̂ Fezhə̀ kə ngwàʼ ə̀təyn ndəmə.

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

3 Njɔyn 1:8

E za tyə̀nə̀ nə ghâsènì ghɨ ə pomə kyi sə̂ tsâmtə̀ tèkì tə ghɨ nə tɨnə nâʼà àchûŋ kə ghâsènì ghə̀ ghənə ə fɨaʼà se ndaʼà tom zɛ ə è nyì səmɔʼ.