1 Kɔlìŋ 3:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 3:18 ပူးပေါင်းရင်းမြစ်များ

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Matyò 18:4

Wùə vɛ è ngaŋtə elùʼ efɔ̀yn ekwùtwəynve, ə nyi vɛ ə è tsose ngɨŋə̂ vəyn ə chi sə nyi kə vayn vɨ̂yn.

Ŋwàʼlè ə̀ Mâk 10:15

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Tom èchùŋ kè kə Lûk tè nyaʼ 18:17

M piə sê ghàyn səmɔʼ nə, ə̀ faŋ pi ndè se pomə efɔ̀yn ə Fezhə̀e kə vayn pɔ, è vâyn tə nji elùʼ efɔ̀yn nə ghâyn.”

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Ŋwàʼlè ə̀ Pɔ̂l sê ghɨə Lûmghè 11:25

Ghɛze endətə zhîze nyi m kyiŋə nə ghàyn ə ke ə ghɔnyìə ghɨmə kə ghàyn ə kwaʼtə̀ va nə ə nyiə kyi tsɛsè ètɔf. M kyiŋə nə ghàyn ke nə ghɨ ə Isìlây yîghe tə nə̂ ə ghə tɛ kə ndò e tuke se zaʼâ ashìŋə̀ kɛ ə ghɨ ghɛ ə̀ vachi ə̀ghɨ ə Njûsghè əkɨ̂m mə ghe kyi se pomə̂ tə pomə.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

1 Kɔlìŋ 15:33

Kə wùə tə lə̂ʼsè ghàyn. Ghàyn e ke nə, “Soynse pise nyiə pofsə̂ endam e chûŋzè.”

1 Kɔlìŋ 3:17

Ə pofse pîndè ndɛ̂ ètsə̀mə Fezhə̀, ə Zhə̀fè pɔŋ pofsê vəyn, kûmə̀ nə ndɛ ètsə̀mə ə̀ Fèzhə̀ nyi è ŋwâʼzè, ghàyn è ngɨŋ saynse e nyi ndɛ ètsə̀mə ə̀ Fèzhə̀ nə zɛ.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ngàleshyà 6:7

Kə wùə nə̂ lesê ngɨŋ ə vəyn. Wùə vayn kaʼa è chɔŋte Zhə̀fè. Ə wùə zho nâʼàpî ghè, ə è tə kwi ke kəynke.

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

1 Njɔyn 1:8

Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.