1 Kɔlìŋ 3:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 3:10 ပူးပေါင်းရင်းမြစ်များ

Matyò 24:45

Njisə̀s ə fɨnə pfɨfə nə, “Wùə èfɨ̀aʼa vɛ è zɨə pɛ̀ efɨ̀aʼ ə̀ vəyn fɨnə tɔfə nyi vɨ̀yn və? Ə̀ nyi vɛ ə pɛ̀ efɨaʼ ə̀ vəyn pî è ndùə èkwî, è və ndə̀mə̀ nə è və nyi àtu sê ghɨ mɔ̀ʼɔ, fo èfɨazhiəve sê ghɨə ashìŋə̀ kɛ ə ghənə kyiŋə.

Matyò 7:24

E za nyi nə naʼapî ndè vɛ è zɨ wâmnè zɨme ə ndə̀mə̀ zəynze, ə nə̀ èghɛ zɛ ə ze pîə, è nyi kə wùə etɔfə vɛ ə è pɛ ndɛ ə̀ vəyn etùə ànayn kə sas ə ndɛ ətəynze ə fɛtə̂ tɛ.

Tom èchùŋ kè kə Lûk tè nyaʼ 11:35

Ghàyn e tɔ̂ʼnə̀ nə kə payn zɛ ə ghàyn kyi kɛse sə alɨm.

Tom èchùŋ kè kə Lûk tè nyaʼ 21:8

È və piə nə, “Ghàyn tɔ̂ʼnə̀, kə wùə nə̂ kyiŋsè ghàyn. Ghɨ tə nə̂ ə pə̂, tsɨ̀ə kə nyi, ghe nə nə̂ ə ghe ə pə̀ ə mi ezə. Ə pə̀yn pi ndè piə nə, ‘Ə̀ nyi ke nâʼà mi nə vɛ nyi!’ fɨnə piə nə, ‘Shîŋə̀kè ə kwəyn zôyn!’ Ghàyn zɨ za, kə wùə ndù ə ghənə epàm.

Ətefɨ̂aʼ 18:27

Àpolòs ə ke chɔʼnê se ndù ə Àkayà, ghɨə poməghe ə Ɛfesùs ə tsàmtə̀ vəyn ə nyàʼà ŋwàʼlè sê ghɨə poməghe ə Àkayà nə ghənə fi vəyn nâʼà àchûŋ. È və tyàŋà ndùə fu ə fo kə nâʼà ètsâmtè e ghaʼâzè sê ghɨ ghɛ ə ghe tè se nyi mə ghe ə pomə kûmə̀ àfùʼ ə Fezhə̀kè.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 15:15

Pîza fa ŋwàʼlè, mə nyàʼ ghɛ ghɛ mə m ndəʼə̀ fânə̀ va. Ə̀ nyi kûmə̀ àfùʼ kɛ ə Zhə̀fè fo sê mi ə m nyâʼà ghɛ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 15:20

Kɔ̂ŋ zɨme shîŋə̀ tekɨ̂m nyi nə m ndaʼa tom èchùŋ elùʼ vɛ ə nyi mə ə paʼà zɨ kûmə̀ Klâys. M tè nəyn nyiəmə kə m tàʼa ndù elùʼ vɛ ə wùə mɔ̀ʼɔ nyi mə è və kàynè zhə̂tè fɨ̂aʼzè.

1 Kɔlìŋ 3:11

Ə piə pə̂ ndò Zhə̀fè nyi mə fə ndə̀m Njisə̀s Klâys nə ə̀ nyì ke àchi andɛ kɛ ke nyi, wùə e va vɛ ə è kàʼa è fɨyn ndəm àchi ndɛ əmɔ̀ʼɔke.

1 Kɔlìŋ 9:2

Ə m va pî wùətom se ghɨə mɔ̀ʼɔghe, m mə ke nə m nyi ndô sê ghàyn kûmə̀ èndom vɛ ə ghàyn nyi ətəyn sə eghɛ èmɔ̀ʼ ghâyn ghə̀ Pɛ̂pɛ. Zɨnə mə chwîtə̀ nə m nyi wùətom.

2 Kolìŋ 10:15

Ghàs pâʼà nə̀yn pofsê ghɛze kə epfɨ̂yn angàŋtèzè kûmə̀ èfɨaʼ mə ghàs paʼà nə̀yn. Ghɛ zɛ ə ghàs lotə kyiŋə nyi nə ghàyn ə ndəmə̂ ə ghàyn epomə̂, kə fɨ̂aʼ zɛ ə ghàs nə̂ ə ghàyn əfètəyn pɔŋ zham nâʼà sə ŋaŋ.

Ɛfesùs 2:20

Ghàyn nyi ndɛ mə ə ndɔm achiə ətəynke è zaʼlê zɛ ə ghɨətom ə Njisə̀sghè è fɨ̀aʼtèsè tè zaʼlə kûmə̀, èchi epòlə̀ ə ndɛ nə zɨ̂yn nyi ke nâʼà Klâys Njisə̀s è ngɨŋ ə̂ vəyn.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

Kòlosè 4:17

Ghàyn pi sê Akipùs nə è və ke nə è kyi se mɨ̀sè efɨ̂aʼ ə Pɛ̂pɛ zɛ ə fo sê vəyn nə è nə̀yn.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

Njə̂m 3:1

Ghɔnyì ghɨmə, kə ghàyn əkɨ̂m ə no sə̂ nyi sètyəynsè, kûmə̀ nə ghàyn ke ndô nə Zhə̀fè tə njîə ashîŋə̀ tsɨəke se saʼa ghâsènì ghɛ ə zaʼlə tsɨ̂ə tsɛ̂ kə è tə saʼa ghɨə mɔ̀ʼɔghe.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,

Etyə̂yn ə paynsêzè 21:14

Mbàyn ə̀ tɔ̂ŋ èghaʼâ ə̀təyn tè nyi mə ə pɛ etûə ə̀chi ə ghaʼlə̂ echi ə ndɛve njò sepɛ̀. Zə əghɨ̀ ə tom ə Vâ Ndzèghè tè nyi mə ə nyàʼ etûə ə̀chi nə ghɛ, nâʼàpî èchi èkè è kyi ezə emɔ̀ʼ.

Etyə̂yn ə paynsêzè 21:19

Chi ə ndɛ kɛ ə tè pɛ mbàyn ə̀təyn etûə ə̀təyn tè nyi mə ə lafsê è kyì tə chîə chûŋghè əkɨ̂m. Chi ə shi tè nyi echi mə ze liŋə ndò pâŋə̀ e tɔŋtə̂ nə Njaspà, zə mɔ̀ʼɔze nə te ndu tepɛ̀ kyaʼà liŋə ndò, e tɔŋtə̂ nə, sàfayà, zəmɔ̀ʼɔze nə te ndu teta e kyi tèkyì techwìəte tekɨ̂m e tɔŋtə̂ nə, àngatè, zəmɔ̀ʼɔze nə te ndu tekyàʼ e tɔŋtə̂ nə, emelà,