1 Kɔlìŋ 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

1 Kɔlìŋ 2:3 ပူးပေါင်းရင်းမြစ်များ

Ətefɨ̂aʼ 17:1

Pɔ̂l yî Silàs ə tə kwiə tɔynə̂ endaʼ ə Àmfipolìszè è Àpòlònyà ə pə̀ zaʼâ endaʼ ə Tèsàlonikàzè, elùʼ vɛ ə ndɛ àtsɨ̂ynte ə̀ghɨ ə Njûsə̀ tè nyi.

Ətefɨ̂aʼ 18:1

Ə pə̀ kə zɨnə mə tsɛ̂ Pɔ̂l ə ndò ə Atèn ə ndùə ə Kolìn.

Ətefɨ̂aʼ 18:12

Ə tè nyì kə ə ndə̂m Ngalyò nə è və saʼa àpâs endaʼ kɛ ə tè tɔŋtə nə Àkayà, ghɨ Njûs yîghe fumə ə zùŋtə̀ ə kyîə Pɔ̂l ə ndùə è vəyn elùʼ əsaʼ

Ətefɨ̂aʼ 18:6

Ə pə̀ kə ghənə kwiynse ghɛ zɛ ə è pìə, è və pə̀ynsə̀ tsɨ̀m sê ghənə ə pìə nə, “Ə ghàyn njìsè, ə nyi ke ghàyn se ghàm ə sengɨŋ saynse! Gho kɨmke va ətəyn. Se zhə̀tè zôyn se ndù əshi, m nə̀ ndûə se ghɨ ghɛ ə̀ vachi ə̀ghɨ ə Njûsghè.”

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 13:4

E nyi səmɔʼ nə è tè kyi va tyaʼa ashìŋə̀ kɛ ə tè payntə̂ vəyn awâmnè pîza, sè ndamə tɔynə̂ àtyaʼ ə Fezhə̀kè. Pîza tɔynə̂ ə Zhə̀fè atyaʼ, ghàs tə chyâtə̀ ə vəyn endam ə ghàs akaʼ amɔ̀ʼ è vəyn tɔynə̂ ə ghàs efɨ̀aʼ sê ghàyn.

2 Kolìŋ 13:9

Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

2 Kolìŋ 4:1

Zhə̀fè ə Vəyn ekosê esəynze ə fo fɨ̂aʼ zɨ̀yn nə ghâsènì nəyn, kûmə̀ zɨnə mə, ghâsènì kyi ndô təm ə təynghe se nə̀yn efɨaʼ ətəynze.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Kolìŋ 7:15

Shîŋə̀ kɛ ə è kwâʼtə̀ kə ghàyn tè zàŋsə zɨə sê vəyn, fɨnə kwàʼtə̀ kə ghàyn tè fiə vəyn è ngɨmnê eghaʼâzè, kɔ̂ŋ ə vəynze sê ghàyn e ndəmə̂ nduə kə ndò.

2 Kolìŋ 7:5

Ə̀ tè nyì pî kə ghàs ndù fɨ ə Màsèndonyà, ghàs tè paʼà kyî zɨ̀tèkè. Tsôstè tè nyiə nyi luʼte kɨ̂m, ghɨə mɔ̀ʼɔ ghe zɔ̂, fâynze nyi kepî ə ghàs ətəm.

Ɛfesùs 6:5

Ghɨ e fɨaʼa, ghàyn e zɨə sê pɛ̀ efɨ̀aʼ ghaynghe, fɛtə ngɨmnə̂ ghənə ètəm ghaynghe ə kɨ̂m. Ghàyn e fɨ̂aʼà kə kə ghàyn fɨaʼà sê Klâys.