1 Kɔlìŋ 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

1 Kɔlìŋ 2:13 ပူးပေါင်းရင်းမြစ်များ

Tom èchùŋ kè kə Lûk tè nyaʼ 12:12

kûmə̀ nə Zuʼ se Ŋwaʼase nə̀ tsâ eghɛ zɛ kə ghàyn pi kè ashìŋə̀ nə kɛ.”

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

1 Kɔlìŋ 1:17

Klâys tè paʼà tom mi nə m pəyn fo m̀mo sê ghɨ. È tè tom nə m pəyn ə mə ndâʼà tom èchùŋ, tsâ va è tɔf eghaʼâ ə ghɨ̀zè, kə kwu ə vəynze awâmnè tàʼa njìsè atyaʼ kɛ ə ze kyi.

1 Kɔlìŋ 14:2

Ghɨ ghɛ ə wamnə̀ ə te wàmnè tə ndôtè ndɔ̀ʼɔ zaʼle wàmnə̀ chîəva sê ghɨghe pîza se Zhə̀fè, kûmə̀ nə wùə vîvè zɨə kê va ghɛ zɛ ə ghənə pîə. Ghənə wâmnə̀ ə̀ghɛ ə ndətə ə səmɔʼghe tɔynə̂ atyaʼ ə Sezuʼ se Ŋwaʼake.

1 Kɔlìŋ 2:1

Ə tè nyi kə̂ m pə̂yn se fe ghàyn ə ghɔnyì ghɨmə se tsa eghɛ zɛ ə ze nyi səmɔʼ kûmə̀ Fezhə̀, m tè paʼà wàmnè m̀kalè mə ètɛm kə wùə vɛ ə è ngəse kyi ètɔf.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

1 Kɔlìŋ 2:4

M tè zaʼlə chîəva fɨnə ndaʼà tom è chùŋ è tɔf eghaʼâzè, e kɨsè wâmnè echûŋzè mə ze ndo sê wùə m̀sɔ̀ŋ, pîza m ndaʼà tom, tyə̂nə̀ mə m məʼnə̂ chîə va ndô nə Zuʼsə Fezhə̀sè nyîə fɨaʼà è tyaʼke.

1 Kɔlìŋ 9:11

Ghàs ə zho ghɛ ə chûŋghè ə ghàyn ətəm. Ə̀ vayn kàʼa ə nyi èghɛ epize ezhoghɛ ghàyn fo ghàs èfɨa vɛ ə ghàs kàʼa ə ghàs tsamte ngɨŋ sase ətəyn.

Ɛfesùs 5:19

Ghàyn e wàmnə̀ sê ngɨŋ saynse ə senjàŋ. Ghàyn e zhəmə sènjàŋ sə Fezhə̀sè, è njàŋse ŋwaʼase, è shîse ə Zuʼse ŋwaʼase nə̂ nə ghàyn nə zhəmə, puʼə èfɨa, tsitə̀ Pɛ̂pɛ è təm ghaynghe əkɨ̂m.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

2 Pità 1:16

Ghɛ ghɛ ə ghàs tè ndàʼa sê ghàyn kûmə̀ è pə̂yn ə Pɛ̂pɛ ə ghasènìze Njisə̀s Klâys è kɨsè kə è tə pə̂ è tyaʼke, ə̀ tè vachi m̀ghâŋghàŋə̀ mə èzôm mɛ ə wùə ètɔfə vîvè fɛte. Ə̀ tè nyi epayn ə vəynze nyaynəze kə ghàs tè fe ke nâʼà è shi ghasghe.