1 Kɔlìŋ 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə tè nyi kə̂ m pə̂yn se fe ghàyn ə ghɔnyì ghɨmə se tsa eghɛ zɛ ə ze nyi səmɔʼ kûmə̀ Fezhə̀, m tè paʼà wàmnè m̀kalè mə ètɛm kə wùə vɛ ə è ngəse kyi ètɔf.

1 Kɔlìŋ 2:1 ပူးပေါင်းရင်းမြစ်များ

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 22:18

Mə fe Pɛ̂pɛ, È və ə pìə sê mi nə, ‹Zàŋse ndwi ə ndò fɨə ə Njèlusalɛ̀m kûmə̀ nə ghɨ nə ghɨ̂yn nə̀ pomə̂ va ghɛ zɛ ə ò pìə kûmə̀ Mi.›

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

1 Kɔlìŋ 1:17

Klâys tè paʼà tom mi nə m pəyn fo m̀mo sê ghɨ. È tè tom nə m pəyn ə mə ndâʼà tom èchùŋ, tsâ va è tɔf eghaʼâ ə ghɨ̀zè, kə kwu ə vəynze awâmnè tàʼa njìsè atyaʼ kɛ ə ze kyi.

1 Kɔlìŋ 1:6

Ghɛ zɛ ə ghàyn zɨ kûmə̀ Klâys ə kyî ghaŋə, tɛ kə nyi ə ghàyn ə fètəyn.

1 Kɔlìŋ 2:13

E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

1 Kɔlìŋ 2:4

M tè zaʼlə chîəva fɨnə ndaʼà tom è chùŋ è tɔf eghaʼâzè, e kɨsè wâmnè echûŋzè mə ze ndo sê wùə m̀sɔ̀ŋ, pîza m ndaʼà tom, tyə̂nə̀ mə m məʼnə̂ chîə va ndô nə Zuʼsə Fezhə̀sè nyîə fɨaʼà è tyaʼke.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 11:6

Ə m va pî se kàʼa m wamne achûŋ əghɨghe əshi, pîza m nyîə kyi ètɔf. Ghàs ə kàynè tyəyn ghɛ nə zɨnə se ghàyn ndom tekɨ̂m nə ghàs nyîə kyi ètɔf.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

1 Timotì 1:11

Ghɛ nə ghɨ̂yn nyi əfètə̂ tom èchùŋ zɛ ə fo nə m ndaʼa. Zaʼlê ə səmɔʼ nə zɨnə mə nyi eghɨ è tom èchùŋ kûmə̀ èpomsê ə Fezhə̀ fə ghâsènìfe kayntəfe.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

Etyə̂yn ə paynsêzè 1:2

Njɔyn ə tə tsàyn ghɛ ghɛ ə è tè fe nâʼà ə̀kɨ̂m, mə ghɛ zɛ ə è tè fe tè nyi ewâmnè ə Fezhə̀zè è kɨsè səmɔʼ zɛ ə Njisə̀s Klâys tè wàmnə̀ kûmə̀ zə̂ynzè.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”