1 Kɔlìŋ 16:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Kə wùə vîvè tə chɨ̂ynè vəyn pîza ghàyn kyi se pɨlə tsàmtə vəyn nə è ndu è fɨaʼa vəynke əshi è pɔ̂ynè ə è kɛse pəyn se mi kûmə̀ nə m lɨmtə̂ vəyn ghasè ghɨə poməghe.

1 Kɔlìŋ 16:11 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 15:33

Ə pə̀ kə ghənə ndamte kɔʼ fu sə mtuʼ, ghɨə poməghe ə kɛsə̂ tiynsə̂ ghənə nə kwɨlə ke nâʼà è pɔ̂ynè. Ghənə kɛsə̂ kwɨlə̂ ndûə ə fe ə̀ghɨ ghɛ ə ghe tom ghənə ə Njèlusalɛ̀m.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 16:6

M tə pə̂ ə m mote ghâsènì sə fendiŋə̀ ashìŋə̀ kɛ ə fofke nyi tsɛ̂sè ətəyn, epàm ətəyn, ə ghàyn ke tsàmtə mi nə m ndu è kwî zɨmze əshi, ə sè nyi nâʼàpî ghayn zôyn, m ndu.

2 Kolìŋ 1:16

Kûmə̀ nə mə pɨaʼtê se mòtə ghàyn ezhoghɛ m tsɛ̂ ndûə ə Màsèndonyà è kɨsè ezhoghɛ m pə̂, endom kə ghàyn tsamte mi m fɛte kwi ndu ə Njòndyâ.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

3 Njɔyn 1:6

Ghənə tsàyn kɔ̂ŋ zɛ ò kyi sê ndɛ̂ ə̀ Fèzhə̀ zɛ ə è nyì fâyn. Nə̀yn nə kwîə ə ghənə̂zè ə nyi achûŋ endom vɛ ə Zhə̀fè kyiŋə.