1 Kɔlìŋ 15:6 - Ŋwàʼlè ə̀ Fèzhə̀ Mkâyn Mə̂ Fèm

⁶ È və fɨə kəpi ə chùmtè èpàm sə Vəynse əshi se tsɨ̂ə tsɛ̂ tèwə tetâyn kè sə eshîŋə̀ èmɔ̀ʼ, mə tsɨ̀tsɨə ə̀ ghənə pa ndamə ndò pî kə yîghe nyi mə ə kwu.

1 Kɔlìŋ 15:6 ပူးပေါင်းရင်းမြစ်များ

Matyò 28:10

Njisə̀s ə pìə sê ghənə nə, “Kə ghàyn fayn. Ghàyn ndu tsayn sê chùmtè epàm sɨm sɛ ə se nyi kə ghɔnyì ghɨmə nə ghənə ndu ə Ngalìlî. Ə̀ nyì fumə ə ghənə nə̀ fe mi.”

Ŋwàʼlè ə̀ Mâk 16:7

Ghàyn ndu tsayn sê chùmtè èpàm sə vəynse è kɨ̂sè Pità nə Njisə̀s ə zòmə̀, ‹È vê è ndùə ə ghàyn əshi ə Ngalìlî. Ghàyn nə̀ fe vəyn fumə kè kə è tè tsàyn sê ghàyn.›”

Ətefɨ̂aʼ 13:36

Ghâsènì ke ndô kə fɔ̀yn Ndàfît tè nyi etwɔ, è tè nyîə fɨaʼà se Zhə̀fè endom vɛ ə Zhə̀fè tè kyiŋə. Epàm ətəyn, è və kwuə, ə pfɨ̀mə̀ vəyn elùʼ vɛ ə tè pfɨ̀mə pɨ̀a ə vəyn ghəshiə, è və fìə.

Ətefɨ̂aʼ 7:60

È və fɨnə tɨmə ə̀ndzɨs ə vəynghe ə chi ə chìə è kyə̀ e tɛ ə pìə nə, “Pɛ̂pɛ, lɛ̀se fo pi ə̀ ghənə zɨ̀yn.” È və pìə nyî, ə kwuə.

1 Kɔlìŋ 15:18

Ə zə tyə̂nə̀ kəpi nə ghɨ ghɛ ə nyi mə pomə̂ se Klâys, mə kwu nyi mə ə njìsè.

1 Kɔlìŋ 15:20

Pîza səmɔʼ ətəyn nyi nə ə tə zòmsè Klâys kèpi kə tə zômsə̀ ghɨ ghɛ ə ghe nyi mə ghə kwu.

1 Tèsàlonikà 4:13

Ghɔnyiə, ghàs kyiŋə nə ghàyn ə ke èghɛ zɛ ə ze nyi səmɔʼ kûmə̀ ə̀ghɨ ə kwuə. Ghàs kyiŋə nə ghàyn ə ke èghɛ nə zɨ̂yn kə ghàyn ə chîə va kə ghɨə mɔʼɔ ghɛ ə ghe kwaʼtə̀ lɨmtə va se tə zòmə̀.

1 Tèsàlonikà 4:15

Ghɛ zɛ ə ghàs zaʼlə sê ghàyn nyi eghɛ zɛ ə Pɛ̂pɛ tè zaʼle. Ghâsènì ghɛ ə tə pə̂ ə pa nyi ashìŋə̀ kɛ ə Pɛ̂pɛ Njisə̀s kɛse pə̂yn tə ndûə kotə̂ va vəyn sə shi sê ghɨ ghɛ ə tè nyi mə əkwu.

2 Pità 3:4

pfɨfə nə, “Piə Pɛ̂pɛ ə tə tsɨ̀nè nə è tə kɛsə̂ pə̀ ndo? È se vâynzə? Pɨ̀a ə ghasènìghe nyi mə ghe ə kàynè kwute, pîza nâʼàpî èghɛ èkè e pa nyi ke èghɨ kə ze tè nyi tsɔ̀fə kə ə pom mbi!”