1 Kɔlìŋ 15:52 - Ŋwàʼlè ə̀ Fèzhə̀ Mkâyn Mə̂ Fèm

⁵² Fɨake tə ŋwaŋə̀, ə wùə piə è mbɨytə̀ kə èshi, ə tɔŋ kendò sɔŋze. Pɔ̀m nə ə tə tɔŋɔ èsɔŋ, ə ghɨ ghɛ ə nyi mə kwu zomə mə vayn kàʼa fɨyn kwu, ə ghâsènì kwiyne ə kyi èwiyn efeve.

1 Kɔlìŋ 15:52 ပူးပေါင်းရင်းမြစ်များ

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Njɔyn 5:25

M pîə sê ghàyn səmɔʼ nə shîŋə̀ kè pə̀ ndò, mə kə kàynè kwəyn, kə ghɨə ekwuəghe tə zɨə wâmnè ə Va Fèzhə̀zè, ə ghɨ ghɛ ə zɨ zəyn ə ndamə.

Njɔyn 5:28

Kə ghàyn ə nyi è kaynze kûmə̀ zɨ̂nə mə; shîŋə̀kè nyiə pə̂ mə ghɨ ekwuə nâʼà ə̀kɨ̂m tə zɨə èwâmnè ə Vəyn,

1 Kɔlìŋ 15:23

Pîza nâʼàpî ndè tə zômə̀ kə vəyn ashìŋə̀, ə Klâys sə shi, ashìŋə̀ kɛ ə è pə̀yn, ə ghɨ ghɛ ə̀ nyi ghə Və zomə.

1 Kɔlìŋ 15:42

Ə̀ nyi zamə kə ze tə nə̂ ə zə nyi ezhoghɛ ghɨ zômə̀. Wiyn vɛ ə pfɨ̀mə̀ tə fîə, ə vɛ ə ve zòmə̀ tàʼa fɨnə fì.

1 Kɔlìŋ 15:50

Ghɛ zɛ m pîə ə ghɔnyì ghɨmə nyi nə, ə fɨa kɛ ə ke fîə ə kiva ghɛze se nə̀yn yî kɛ ə ke fîə va.

1 Tèsàlonikà 4:15

Ghɛ zɛ ə ghàs zaʼlə sê ghàyn nyi eghɛ zɛ ə Pɛ̂pɛ tè zaʼle. Ghâsènì ghɛ ə tə pə̂ ə pa nyi ashìŋə̀ kɛ ə Pɛ̂pɛ Njisə̀s kɛse pə̂yn tə ndûə kotə̂ va vəyn sə shi sê ghɨ ghɛ ə tè nyi mə əkwu.

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

Etyə̂yn ə paynsêzè 8:13

Mə ndwisə̀ àtu kɨmke ə naynə̂ ekwùtwəyn ə zɨə kə mbùʼəkè wùlə̀ tsɛ̂ nâʼà ekwùtwəyn, chîə è kyə̀ è tɛ nə, “Ə̀ kwûəmnè, Ə̀ kwûəmnè! Ze nə̀ nə̂ ə ze ə kwuəmə̀ se ghɨ ghɛ ə ghe ndamə ə chi kûmə̀ ə̀sɔŋ ghɛ ə tsì sə mɔ̀ʼɔ sɛ sèta nyi se nə tɔŋ.”

Etyə̂yn ə paynsêzè 8:2

Mə ke fe setsì sɛ èsɛ̀mbɛ ə se nə̂ se tyəm ə Zhə̀fè shi mə ə fo sɔŋte sê ghənə esɛ̀mbɛ̂.