1 Kɔlìŋ 15:51 - Ŋwàʼlè ə̀ Fèzhə̀ Mkâyn Mə̂ Fèm

⁵¹ Ghàyn zɨte, m tsayn ghɛe, mə wùə paʼà tyəmə̂ kê. Ghâsènì tə kwuə mɨ̂sə̀ va əkɨ̂m, pîza ghâsènì əkɨ̂m tə pə̂ ə nyi mə kwiyne.

1 Kɔlìŋ 15:51 ပူးပေါင်းရင်းမြစ်များ

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 15:18

Ə zə tyə̂nə̀ kəpi nə ghɨ ghɛ ə nyi mə pomə̂ se Klâys, mə kwu nyi mə ə njìsè.

1 Kɔlìŋ 15:20

Pîza səmɔʼ ətəyn nyi nə ə tə zòmsè Klâys kèpi kə tə zômsə̀ ghɨ ghɛ ə ghe nyi mə ghə kwu.

1 Kɔlìŋ 15:6

È və fɨə kəpi ə chùmtè èpàm sə Vəynse əshi se tsɨ̂ə tsɛ̂ tèwə tetâyn kè sə eshîŋə̀ èmɔ̀ʼ, mə tsɨ̀tsɨə ə̀ ghənə pa ndamə ndò pî kə yîghe nyi mə ə kwu.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

2 Kolìŋ 5:2

Kə ghâsènì ndamə fa ewìyn, ghâsènì nyîə tsɔ̂nə̀, ghâsènì e chîə kûmə̀ kə ə kɔ̂ŋɔ̀ nə Zhə̀fè zaŋse fo ndɛ ə̀ ghâsènì zə èkwùtwəyn kə ghâsènì kɨyte wìyn ə ghâsènìve ətəyn.

2 Kolìŋ 5:4

Shîŋə̀ kɛ ə ghâsènì nyì fâ ewìyn, ghâsènì e tsɔ̂nə̀ kə ghɨ ə zɨə tsɛ̂sə̀ tsôsvè. Ə̀ vachi nə ghâsènì pìə nə Zhə̀fè tsɨse wiyn vɨ̂nə ə ghâsènì ndamə ətəyn, ghâsènì pɨlə kyiŋə kə nə Fe kɨyte ghâsènì è wiyn ə ghâsènìve kwùtwəynve, kə fɨa kɛ ə ke kaʼa ə ke kwu, ə ke kwiyne sə afɨa kɛ ə ke ndamə faŋə.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 3:3

Ə̀ nyi eghɛ e ndətə zɛ ə Zhə̀fè tè pɨaʼte ndəm, ə̀ ke ke vəyn, tè tyə̀yn paynsê sê mi, kè eghɨ kə m se nyi mə mə səyne ə nyàʼà.

Ɛfesùs 5:32

Zaʼlə ekayntəze nyiə nyi eghɛ nə zɨ̂yn. Pîza, m wàmnə̀ elùʼ nə vɨ̂yn kûmə̀ Klâys yî ndɛ ə̀ Fèzhə̀,

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.