1 Kɔlìŋ 15:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

1 Kɔlìŋ 15:47 ပူးပေါင်းရင်းမြစ်များ

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Njɔyn 3:31

Vɛ ə è ndò pə̂yn ekwùtwəyn nyîə kɔʼnə̂ tsɛ̂ nâʼàpî ndè vɛ ə piə ə chi nyi ke kə wùə chi, wàmnə̀ kûmə̀ kə ə̀ghɛ ə chîə. Pîza vɛ ə è pə̀yn ekwùtwəyn nyîə ngaŋtə tsɛ nâʼàpî ndè.

Njɔyn 6:33

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

1 Kɔlìŋ 15:45

Ə nyàʼ ə Ŋwàʼlè Fezhə̀ nə, “Wùə əshi Andàm, ə tè fɛte nə è və nyi wùə èndamə”; Andàm è kwùŋsə, mə ə̀ za nyi Klâys tè pə̂yn nyi sèzuʼ sɛ se nə̂ nə ghɨ ghə ndamə.

1 Kɔlìŋ 15:46

Ə̀ vachi èwiyn ə sezuʼve ə ve pə̂ sə shi pîza ə̀ pə̀ və achaʼve, və sezuʼve ə se pə̀yn.

2 Kolìŋ 5:1

Ghâsènì nyiə ke nə pfɨ̀ə kɨnə ə ghâsènì ndamə ətəyn fayn ə mbi mə za nyi ewiyn ə ghasènìve, ezhoghɛ ə sâʼ tsɨ̂se, ə Zhə̀fè fo ndɛ sê ghâsènì ekwùtwəyn ndɔ̀ʼɔ pom è ghoghe, è nyi se ndamə faŋ.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.