1 Kɔlìŋ 15:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Shîŋə̀ kɛ ə pfɨ̂mə̀, ve saʼtə̀ kyaʼà kə nyi fɨnə pɔylə̂. Shîŋə̀ kɛ ə zômsè, ve tsɔ̂fə̀ kə nyi fɨnə tɛ è tyaʼa.

1 Kɔlìŋ 15:43 ပူးပေါင်းရင်းမြစ်များ

Matyò 13:43

Fumə ashìŋə̀, ə ghɨə Fezhə̀ ghɛ ə ghe nyi chichi tə nə̂ ə panə kə kə chwì ə pɨ̀a ghənə̂ efɔ̀yn. Ə̂ kyi nâʼà pîndè tôŋneke, è və tɔ̀ʼɔ̀ zɨtə̂.”

Njɔyn 8:49

Njisə̀s ə pìə sê ghənə nə, “M kyi va pamə̂ ə satàynzè. M ngɨmnə̂ Pɨ̀a Vɨm, pîza ghàyn ngɨmnə̂ va Mi.

1 Kɔlìŋ 6:14

Zhə̀fè tè zòmsè Pɛ̂pɛ, nyi se tə zômsə̀ kəpî ghâsènì ə vəyn ə atyaʼ.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 13:4

E nyi səmɔʼ nə è tè kyi va tyaʼa ashìŋə̀ kɛ ə tè payntə̂ vəyn awâmnè pîza, sè ndamə tɔynə̂ àtyaʼ ə Fezhə̀kè. Pîza tɔynə̂ ə Zhə̀fè atyaʼ, ghàs tə chyâtə̀ ə vəyn endam ə ghàs akaʼ amɔ̀ʼ è vəyn tɔynə̂ ə ghàs efɨ̀aʼ sê ghàyn.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.