1 Kɔlìŋ 15:2 - Ŋwàʼlè ə̀ Fèzhə̀ Mkâyn Mə̂ Fèm

² Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

1 Kɔlìŋ 15:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 8:13

Nâʼà Shimùyn è ngɨŋ ə vəyn ə pɔŋɔ pomə tom èchùŋ nə zɛ, ə fiə m̀mo, sè chumtə̀ Filìp nâʼàpî ghayn kə è tè ndùə. È tè pɔŋ nyi èkaynze kûmə̀ sèchwìə sɛ ə Filìp tè tyə̀nə è ghɛ kayntə ghɛ ə è tè nə̂.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 11:22

Ghàyn ə fe nə, ə apàs àmɔ̀ʼ, Zhə̀fè nyiə pɔynə̂ nâʼà àchûŋ, ətə kəmɔ̀ʼɔke fe tɛ nâʼà sə ŋaŋ. È nyiə tɛ se ghɨ ghɛ ə nyi mə ə njìsè ndomve, kyi ə̀təm ə chûŋghè ezhoghɛ ə ghàyn pa chûmtə̀ ndom ə vəynve. Pîza ə ghàyn chùmtə̀ va ndom ə vəynve, ə è tə fɨaftê tsɨ̂sè kepî ghàyn.

1 Kɔlìŋ 1:18

Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 11:2

M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.

1 Kɔlìŋ 15:14

Mə ə̀ nyi nə ə tè pâʼà zòmsè Klâys, ə ghàs ə kiva ghɛze se ndàʼà, ghàyn e kyi kepî va ghɛze se pomə̂ se zəynze.

2 Kolìŋ 2:15

Kûmə̀ nə ghàs nyi kə endiŋ kə Klâys nyɔ̀ʼɔ̀ sê Zhə̀fè, zûʼə̀ ətəynke e kwiə ka əfètəyn ə̀ghɨ ghɛ ə Zhə̀fè sɔ̀zâ, è kɨsè ghɨ ghɛ ə ghe njîsə̀ ndûə.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 3:4

E za tyə̀nə̀ nə ghàyn tè fe etsôs nâʼà sə ŋaŋ nyî kè səndô mə? Ghàyn vayn kaʼa ghàyn fe ke ètsôs za səndô!

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 2:1

Ghɛ nə ghɨnə tyə̀nə̀ nə ghâsènì kyi se fɛtə̂ kyiə tom èchùŋ nə zɨ̂yn ə ghâsènì zɨ nyi kə ghâsènì nə tàʼa njìsè endom.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Njə̂m 2:14

Ghɔnyì ghɨmə, ə wùə pìə nə zhi ə kyî kyì epomə̂zè se Zhə̀fè, tyə̂nə̀ va ə vəyn efɨaʼ, ə chùŋ ə̀təyn ə nyi nâʼà ghè? kyî epomə̂ nə zɨ̂nə̀ kàʼa ə ze sɔza vəyn ə?

Njə̂m 2:17

E za nyi nə ə wùə kyi kyî epomə̂zè ndɔ̀ʼɔ è paʼse fɨ̂aʼzè ətəyn, ə pomə̂ ətəynze ə va nâʼà èghɛ zhîze.

Njə̂m 2:26

E za nyì nə kèpî kə wiyn vɛ ə ve kyi va zuʼse nyi mə ve ə kwu, ə̀ nyì kepî zamə kə kyî epomə̂ zɛ ə ze kyi va fɨ̂aʼtè nyi mə ze ə kwu.