1 Kɔlìŋ 15:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə ze nyi səmɔʼ, ə nyi nə Klâys tè paʼà zòmə̀.

1 Kɔlìŋ 15:13 ပူးပေါင်းရင်းမြစ်များ

Ətefɨ̂aʼ 23:8

Kûmə̀ nə ghɨə Sandùsîə tè pomə va nə ghɨ tə zômə̀ ndò, è kɨsè nə ghɛ zhize va kə setsì, pî kə sezuʼ, pîza ghɨə Falàsîə e pomə̂ se ghɛ ətəynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

1 Kɔlìŋ 15:14

Mə ə̀ nyi nə ə tè pâʼà zòmsè Klâys, ə ghàs ə kiva ghɛze se ndàʼà, ghàyn e kyi kepî va ghɛze se pomə̂ se zəynze.

1 Kɔlìŋ 15:20

Pîza səmɔʼ ətəyn nyi nə ə tə zòmsè Klâys kèpi kə tə zômsə̀ ghɨ ghɛ ə ghe nyi mə ghə kwu.

1 Tèsàlonikà 4:14

Ghâsènì pomə̂ ndò nə Njisə̀s ə tə kwu ə kɛsə̂ zômə̀, fɨnə pomə̂ nə Zhə̀fè tə nə̂ ə ghɨ ghɛ ə tè kwu mə ə pomə se Njisə̀s ə pəyn ə nyi yî ghə̀ Njisə̀s.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.