1 Kɔlìŋ 15:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

1 Kɔlìŋ 15:10 ပူးပေါင်းရင်းမြစ်များ

Matyò 10:20

Ghɛ ghɛ ə ghàyn tə wâmnə̀ tə nə̂ ə va ghanə; ghe tə pə̂ sê Zuʼ sə Pɛ̂sè kə È tə wâmnə̀ se ghàyn.

Matyò 25:16

Wùə èfɨaʼa vɛ ə è tè fi kam setâyn ə ndə̀mə̀ ndzɨsə̂ èkɛ vəynve elùʼ epəʼləve ə kyiə kwəynsə̂ sèkam sə mɔ̀ʼɔ setâyn.

Ŋwàʼlè ə̀ Pɔ̂l sê ghɨə Lûmghè 11:1

Pfɨf zɨme zôyn nyi nə: Zhə̀fè tè tə ndô ghə vəynghe nə əghɨ mə? E vachi za! Ə mi èngɨŋ zɨ̂mè nyi wùə Isìlây, ə feghâŋ fə Aplàghâmfè, ə wùə ètàŋ ə Penjamə̀ynzè.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 15:11

E za nyi nə, kɨ̀sə ə̀ tè tsàyn mi tom è chûŋ nə zɛ, kɨ̀sə ə̀ tè tsayn ə ghɨ mɔ̀ʼɔ, ə̀ zɨnə nyi eghɛ zɛ ə ghàs əkɨ̂m ndàʼà, ə̀ nyi kepî èghɛ zɛ ə ghàs pomə.

1 Kɔlìŋ 15:2

Ə̀ nyi tom èchùŋ nə zɨ̂nə̀ m ndaʼà sê ghàyn. Ə̀ sɔ̀zâ tom èchùŋ nə zɨnə̀ ghàyn ezhoghɛ ə ghàyn fɛte tyəm kə təyn, ə puzâ ə zə nyi nə pomə̂ zaynze tè nyì ke sə ndô.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 3:6

M zho ngwàʼ, Àpolòs e sɨsə̀ m̀mo esas ətəyn, pîza ə̀ nə̂ Fezhə̀ kə ngwàʼ ə̀təyn ndəmə.

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 3:5

Ghɛ zhîze va ə ghàs endam ə ze kaʼa ə ze nəyn nə ghàs ə kwaʼtə̀ nə ghàs kɔʼɔ kwəynə̂ ndò se nə̀yn efɨ̂aʼ zɨ̀nə̀, ə̀ nyi Fezhə̀ ə fe nə̂ nə ghàs ə kɔʼɔ kwəynə̂ se nə̀yn efɨaʼ ətəynze.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 2:8

Tyaʼa Fezhə̀ kɛ ə ke tè fɨ̀aʼa ə Pità se nə̀yn nə è və nyi wùətom sê ghɨ Njûsə̀ nyì kepî kəynke ə ke fɨaʼà ə mi se nə̀yn nə mə nyi wùətom sê ghɨ ghɛ ə̀ va ə ghɨ ə Njûsə̀.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Filìpây 4:13

M kaʼa m tsɛ tɔynê nâʼàpî mtsəfle m̀kè tɔynə̂ atyaʼ kɛ ə Klâys fo sê mi.

1 Tèsàlonikà 5:12

Ghɔnyìə, ghàs chyatə̂ nə, ghàyn ə fɛtə ngɨmnə̂ ə̀ghɨ ghɛ ə ghe fɨ̂aʼà ə ghàyn əfètəyn, chwîtə̀ ghàyn, fɨnə təftə̂ ghàyn, endom ə Pɛ̂pɛve kə ndɔ̀ʼɔ ghàyn tə pfɨ ə pi.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.