1 Kɔlìŋ 14:31 - Ŋwàʼlè ə̀ Fèzhə̀ Mkâyn Mə̂ Fèm

³¹ Ghàyn əkɨ̂m kàʼa tsayn tom ə̀ Fèzhə̀ wùə èmɔ̀ʼ emɔ̀ʼ kə nâʼàpî ndè kàʼa è zaʼle ə è pɔŋ kyi ə̀təm ə tɛghe.

1 Kɔlìŋ 14:31 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 1:12

Ghɛ zɛ m pîə nyi nə, nâʼàpî ndè ə ghâsènì ə fètəyn fo təmghe se ànyìə vəyn. Kə pomə zɨmze fo ghàyn ètyaʼke ə zaynze pɔŋ fo kepî mi ètyaʼke.

1 Kɔlìŋ 14:19

Pîza mə m nyi se wâmnè ə ndɛ ə̀ Fèzhə̀, ə mə kɔ̂ŋɔ̀ se piə kə əghɛ ə̀ tâyn kə ghɨ mɔ̀ʼɔghe kaʼa zɨ kê ə zaʼle ghɛze tsɛ̂ kə m pi ghɛ kamse eghɨm ə tewàmnè tə ndôtè ndɔ̀ʼɔ zaʼle.

1 Kɔlìŋ 14:3

Pîza ghɨ ghɛ ə ghe tsâ tom ə̀ Fèzhə̀ wàmnə̀ se ghɨə, è ze tsâmtə̀ ghənə, fo ghənə è təm ə tɛ, è zɨ̀tèkè.

1 Kɔlìŋ 14:30

Pîza ə wùə tsɨs ə chi, Zhə̀fè ə tyə̀nə̀ èghɛ se vəyn, vɛ ə è wàmnə̀ kyi se kɨ̂m mɔŋ.

1 Kɔlìŋ 14:32

Wùə vɛ ə è kyi foze sə̂ tsâ tom ə̀ Fèzhə̀ kyi sə̂ tɔ̂ʼnə̀ endom vɛ ə è tsà tom ə̀təyn,

1 Kɔlìŋ 14:35

Ə ghənə kyiŋə se pfɨf se kê eghɛ zhîze, ghənə ə pfɨfə se ndom ə ghənə̂ghè ə ndɛ. Ə̀ nyi eghɛ eghoməze sê wùzhɔyn se wàmnè atsɨ̀ynte ə ndɛ ə̀ Fèzhə̀kè.

2 Kolìŋ 1:4

È tsàmtə̀ ghâsènì ə ghâsènì ə tetsòs tèkɨ̂m, kə ghâsènì ə nyi kaʼa tsamte kepî ə̀ghɨ ə mɔ̀ʼɔ ghɛ ə kyi kyì tə tetsòs tekɨ̂m, kèpî endom vɛ ə Zhə̀fè tè tsàmte ghâsènì.

Ɛfesùs 6:22

M tomə kə nâʼà vəyn sê ghàyn kə è pəyn tsayn saʼghe sê ghàyn kûmə̀ ghàs, ə è fɨyn tɨ̂msè ghàyn ə ghàyn epomə̂.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

1 Tèsàlonikà 4:18

Nyiəmə ghàyn e fo ə̀təm ə tɛ sê ghɔnyì ghaynghe è ghɛ nə ghɨ̂yn.

1 Tèsàlonikà 5:11

Kûmə̀ nyî m pìə nə, ghàyn e fo ə̀təm ə tɛ sê ngɨŋ saynse, tsâmtə̀ kəpî sèngɨŋ saynse kè kə ghàyn nə̀ zôyn.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Tèsàlonikà 5:20

kə ghàyn nə kɔ̂psè tom zɛ ə ghɨə ndaʼà sê ghàyn mə è ndò sê Zhə̀fè.