1 Kɔlìŋ 14:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

1 Kɔlìŋ 14:20 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 19:14

Njisə̀s ə pìə sê chùmtè èpàm sə vəynse nə, “Ghàyn za mɨ̂ətə̀m ə m̀ pəyn sê Mi, kə ghàyn fɨyn tâmtè ghənə kûmə̀ nə fɔ̂yn ə Fezhə̀vè nyì sê ghɨ ghɛ ə ghe nyi nyiə kə ghənə.”

Matyò 19:4

Njisə̀s ə pə̀ynsə̀ sê ghənə nə, “Ghàyn paʼà tɔŋɔ̂ ə Ŋwàʼlè ə̀ Fèzhə̀ nə, ə̀ tè nyi ə zhə̀te ə̀ mbi, Zhə̀fè ə pomə wùndômə̀ è wùzhɔyn ə?”

Ŋwàʼlè ə̀ Mâk 10:15

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Tom èchùŋ kè kə Lûk tè nyaʼ 18:17

M piə sê ghàyn səmɔʼ nə, ə̀ faŋ pi ndè se pomə efɔ̀yn ə Fezhə̀e kə vayn pɔ, è vâyn tə nji elùʼ efɔ̀yn nə ghâyn.”

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

Ŋwàʼlè ə̀ Pɔ̂l sê ghɨə Lûmghè 16:19

Ghɨ ghəkɨ̂m ə zɨ ndom vɛ ə ghàyn nyiəmə ə tyə̂m ətəyn se zɨ eghɛ ə Fezhə̀zè, zɨnə mə e nə̂ nə mə saŋnə̂. M kyiŋə nə ghàyn ə tɔfə sə nə̂ ə̀ghɛ ə chûŋghè, kiva ghɛze se nə̀yn è pi.

1 Kɔlìŋ 13:11

Shîŋə̀ kɛ m tè nyi vayn èpɔ, m tè wàmnə̀ kə vâyn èpɔ, m tè kwàʼtə kə kə vâyn èpɔ, nə̂ ə̀ghɛ kə vâyn èpɔ. Shîŋə̀ kɛ ə m tè ndəmə, mə zàmaʼà ə̀ghɛ ə vâyn èpɔghe.

1 Kɔlìŋ 14:19

Pîza mə m nyi se wâmnè ə ndɛ ə̀ Fèzhə̀, ə mə kɔ̂ŋɔ̀ se piə kə əghɛ ə̀ tâyn kə ghɨ mɔ̀ʼɔghe kaʼa zɨ kê ə zaʼle ghɛze tsɛ̂ kə m pi ghɛ kamse eghɨm ə tewàmnè tə ndôtè ndɔ̀ʼɔ zaʼle.

1 Kɔlìŋ 2:6

Pî kə ze nyi nyiə mə, ghàs ndàʼà tomə̀ ètɔf eghaʼâzè sê ghɨ ghɛ ə ghənə nyi mə ghəʼnê ə ghənə epomə̂, pîza ə̀ vachi ètɔf eghaʼâ ə mbi zɨnə ze kɨ̀se etɔf engaŋtə əghɨ̀ ghɛ ə ghe saʼa mbi zɨ̀nə̀, ə ghɨ mə tyaʼa ghənə̂kè sè mîə ndò.

Ɛfesùs 4:13

se zaʼâ kə ghâsènì ə̀kɨ̂m tə tsɨ̂yntè ə nyi sə afɨa àmɔ̀ʼ ə ghâsènì ekyî epomə̂zè fɨyn nyi ke sə̂ afɨa àmɔ̀ʼ eghɛ zɛ ə ghâsènì ke kûmə̀ Va Fèzhə̀. Nyî ə ghâsènì ghəʼne kwəyn ə sè nyi kepî kə Klâys.

Filìpây 1:9

M tsə̂mə̀ nə Zhə̀fè nəyn kɔ̂ŋ zɛ ə ghàyn kyi sê ngɨŋ saynse è kɨsè sê Zhə̀fè, ə zə ndəmə̂ ndûə kə əshi. M tsə̂mə̀ kəpi nə ghàyn ə ke ə̀ghɛ ghɛ ə ghe nyi səmɔʼ kûmə̀ Fèzhə̀, è kɨsè nə ghàyn ə ke sənɨŋ ə tə̂ èghɛ zɛ ə̀ nyì ze chûŋzè è zɛ ə̀ nyì ze pize.

Filìpây 3:15

Ghâsènì ghɛ ghɛ ə nyi mə ə ghəʼnê ə ghâsènì epomə̂ ə kyi kepî èkwâʼtè nə zɨ̂yn. Pîza, ə ghàyn yîə kyi kwâʼtè ə ndôzè kûmə̀ ə̀ghɛ nə ghɨ̀yn, ə Zhə̀fè nəyn, ə ghàyn zɨ kê ə̀ghɛ nə ghɨ̂yn endom vɛ ə ghe kyi sə̂ nyi ətəyn.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.