1 Kɔlìŋ 14:2 - Ŋwàʼlè ə̀ Fèzhə̀ Mkâyn Mə̂ Fèm

² Ghɨ ghɛ ə wamnə̀ ə te wàmnè tə ndôtè ndɔ̀ʼɔ zaʼle wàmnə̀ chîəva sê ghɨghe pîza se Zhə̀fè, kûmə̀ nə wùə vîvè zɨə kê va ghɛ zɛ ə ghənə pîə. Ghənə wâmnə̀ ə̀ghɛ ə ndətə ə səmɔʼghe tɔynə̂ atyaʼ ə Sezuʼ se Ŋwaʼake.

1 Kɔlìŋ 14:2 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Ŋwàʼlè ə̀ Mâk 4:11

È və pìə sê ghənə nə, “Zhə̀fè ə fo ghàyn tyaʼa sə̂ ke ə̀ghɛ əndətə kûmə̀ èfɔ̂yn ə Fezhə̀vè, pîza e kyi sə̂ zaʼlə̂ ə̀ghɛ ətəynghe sê ghɨ yiə kè ə sengàyn.

Ətefɨ̂aʼ 10:46

Kûmə̀ nə ghɨ Njûs nə ghɨyn ə tə zɨ kə ghɨ nə ghɨnə ə̀ tè va əghɨ ə Njûghè wàmnə̀ wâmnè tə tendaʼ tə ndôtè ndɔ̀ʼɔ zaʼle, pɔmsə̂ Fèzhə̀ kûmə̀ ə̀ghɛ ə kayntə ghɛ ə Fe nə̀yn. Pità ə ke pì nə,

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 22:9

Ghɨ ghɛ ə ghâsè ghə̀ ghənə tè nyi əmɔʼ ə fe epayn ətəynze pîza ə tàʼa zɨə kyə̀ wùə vɛ ə è tè wàmnə̀ sê mi.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 12:28

Ə ndɛ ə̀ Fèzhə̀, Zhə̀fè nyi mə Fə ndə̀m ghɛ ghəkɨ̂m, shike nyi ə̀ghɨtomə, kòmtèke nyi sè fɨ̀aʼtè, ta e nyi sètyə̀ynsè. È və tə ndə̀m kepî ghɨ ghɛ ə ghe nə̂ ghɛ əkayntəghe, ə̀ chûmtə ghɛ ə ghe kyi foze sə̂ tsuʼə ə̀ghɨ, pî sə̂ tsâmtə̀ ə̀ghɨ, chisə̂ ə̀ghɨ e wâmnə̀ ə tewàmnè tə ndôtè ndɔ̀ʼɔ zaʼle.

1 Kɔlìŋ 13:1

Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 14:16

Shîŋə̀ kɛ ə ò fo zɔ̀ŋnèkè sê Zhə̀fè mə ò fo kə ə sezuʼ, ə ghɨ ghɛ ə ghe nyi fumə atsɨ̀ynte mə ghe zɨə kêva kwi zayn se pì nə, “Ə zə nyi ke zamə” sê zɔ̀ŋnè kɛ ə ò fo etsə̀m ə? Ghənə kiva ndom se kê eghɛ zɛ ə ò pìə.

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂

1 Kɔlìŋ 15:51

Ghàyn zɨte, m tsayn ghɛe, mə wùə paʼà tyəmə̂ kê. Ghâsènì tə kwuə mɨ̂sə̀ va əkɨ̂m, pîza ghâsènì əkɨ̂m tə pə̂ ə nyi mə kwiyne.

1 Kɔlìŋ 2:10

Pîza ə̀ nyì sê ghâsènì ghɛ ə Zhə̀fè nyi mə fə nə̀yn Zuʼse ə Vəynse sɛ se tyə̂yn paynse ghɛ ə ndətə ə vəynghe sê ghâsènì. Ghɛ zhîze va ə Zuʼse ə Fezhə̀sè vayn kaʼa se faŋ se kê. Zuʼsə Fezhə̀sè ke kepî ndò ghɛ ghəkɨ̂m ghɛ ə Zhə̀fè tè pɨaʼte sê ghɨ ghɛ ə ghe kɔ̂ŋə̀ vəyn.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Ɛfesùs 6:19

Ghàyn nə tsə̂mə̀ kəpî sê mi nə m njî ghɛ ə Fezhə̀zè se tsàyn, m ke ghɛ zɛ kə m pi, nə m tsâ ghɛ ə ndətə ghɛ ə Zhə̀fè tyə̀yn sê ghâsènì ə tom èchùŋ, kə m fayn fɨake.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

1 Timotì 3:9

Ghənə kyi sə̂ tyəmə kə səmɔʼ zɛ ə tè tyə̀yn paynsê sê ghənə, ə̀ nyi səmɔʼ kûmə̀ èkyî epomə̂zè mə təm ə ghənə̂ghè saʼa va ghənə.

Etyə̂yn ə paynsêzè 10:7

Pîza ashìŋə̀ kɛ ə tsì zɛ ə è nə̀ nə se ndu esɛ̀mbɛ tə tɔŋɔ sɔŋ ə vəynze, ə Zhə̀fè nəyn nə ghɛ ghɛ ə è tè ndə̀te pɨaʼtê nə ghe tə kyanə̀ nji luʼve, kè kə è tè ndàʼa sê fɨ̀aʼtèsè mə ə̀ nyi əghɨ ə vəynghe fɨaʼaghe.”