1 Kɔlìŋ 14:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Shîŋə̀ kɛ ə ò fo zɔ̀ŋnèkè sê Zhə̀fè mə ò fo kə ə sezuʼ, ə ghɨ ghɛ ə ghe nyi fumə atsɨ̀ynte mə ghe zɨə kêva kwi zayn se pì nə, “Ə zə nyi ke zamə” sê zɔ̀ŋnè kɛ ə ò fo etsə̀m ə? Ghənə kiva ndom se kê eghɛ zɛ ə ò pìə.

1 Kɔlìŋ 14:16 ပူးပေါင်းရင်းမြစ်များ

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Matyò 28:20

Ghàyn zaʼle kepî ghənə nə ghənə chûmtə̀ nâʼà ə̀ghɛ ə̀kɨ̂m ghɛ m pî nə ghâyn ə nə̂. Ghàyn e ke nə m nə nyi ghasè nyì shîŋə̀ tekɨ̂m, se zaʼâ kə mbi tə mi.”

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Ŋwàʼlè ə̀ Mâk 16:20

Chùmtè èpàm sə Njisə̀sè ə fɨə ndaʼà ndûə Tom Èchùŋ luʼ tekɨ̂m. Pɛ̂pɛ tè nyì yighə̀ ghənə, ə fo àtyaʼ nə ghənə nə̂ ə̀ghɛ əkayntəghe, se tyə̀yn nə ghɛ ghɛ ə ghənə tè pìə nyi səmɔʼ.

Njɔyn 21:25

Ghɛ pa nyi ndò, tsɨ̂ə kə nyî kə̂ Njisə̀s tè nəyn, mə ə fe nyì se nyàʼ ə̀kɨ̂m, èmɔ̀ʼ emɔ̀ʼ, ə mbi zɨ̀yn èkɨ̂m ə ghaʼa kwənə va kə ə ndəm ŋwàʼlè sə ətəynse ətəyn.

Njɔyn 7:15

Ghɨ ghaʼâ Njûsə̀ tè nyi èkaynze ə pìə nə, “Wùə vɨ̀nə kwì zayn sə ngəsê ke ə̀ghɛ ghɨ̀yn mə è paʼà tyəmə ndùə ə ndɛ ŋwàʼlè àlâŋ ə?”

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

1 Kɔlìŋ 11:24

ə pə kə è fo zɔ̀ŋnèkè sê Zhə̀fè, ə pɨaʼlə̂ ə ke pì nə, “Ə̀ vɨnə nyi ewiyn Vɨme kə M fo sê ghàyn. Ghàyn zhi vəynve kə ve nəyn ə ghàyn ə kwâʼtə̀ Mi.”

1 Kɔlìŋ 14:14

Kûmə̀ nə ə m tsə̂mə̀ famə endom, ə nyi mə zuʼ sɨmse nyiə tsə̂mə̀, pîza tɔf zɨmze kyi va ghɛ zhîze ətəyn.

1 Kɔlìŋ 14:2

Ghɨ ghɛ ə wamnə̀ ə te wàmnè tə ndôtè ndɔ̀ʼɔ zaʼle wàmnə̀ chîəva sê ghɨghe pîza se Zhə̀fè, kûmə̀ nə wùə vîvè zɨə kê va ghɛ zɛ ə ghənə pîə. Ghənə wâmnə̀ ə̀ghɛ ə ndətə ə səmɔʼghe tɔynə̂ atyaʼ ə Sezuʼ se Ŋwaʼake.

1 Kɔlìŋ 16:24

Ə kɔ̂ŋ zɨmze faŋ se ghàyn əkɨ̂m ə Klâys Njisə̀s.

2 Kolìŋ 1:20

Ə̀ nyi vəyn vɛ ə è nyi “Èyn” sê tsɨnè tə Fezhə̀ tekɨ̂m. Ə̀ za nyi eghɛ zɛ tɔynə̂ ə Njisə̀s Klâys, ghâsènì pìə nə “Zə nyi ke zamə”, kə pomsê ətəynve ə ndûə se Zhə̀fè.

Etyə̂yn ə paynsêzè 22:20

Vɛ ə è tsàyn kə ghɛ ghɨ̀nə nə tè kyayn, pi nə, “E nyi səmɔʼ. M pə̂ kə zôyn!” ə zə nyi ke zamə. Pə ə Pɛ̂pɛ vâsvè Njisə̀s!

Etyə̂yn ə paynsêzè 5:14

Fɨa endamə vɛ è kwàʼ ə pə̀ynsə̀ nə, “Ə zə nyi ke zamə!” Nyiəmə, chəʼ sɛ ə ngwuʼə̂ əchi ə ngɨmnə̂ Fèzhə̀ yî Va Ndzè.

Etyə̂yn ə paynsêzè 7:12

pìə nə, “Ə zə nyi ke zamə, ə tsîtèzè, è pɔmsê, è tɔf eghaʼâzè, è zɔ̀ŋnèkè ə foke, è kɔʼsêzè, tyaʼke, è tyaʼ ewìynke, nyi sê Zhə̀fè ghasènìfe nâʼà kə ghè tə ghayn, ə ze ə nyi ke zamə.”