1 Kɔlìŋ 14:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Nyiəmə, wùə vɛ ə è wàmnə̀ wâmnè tə ndôtè ndɔ̀ʼɔ è zaʼle kyi se tsə̀m nə Zhə̀fè fo vəyn èfoze kə è və ke se tsâyn əghɛ ghɛ ə wâmnè tə təynte pîə.

1 Kɔlìŋ 14:13 ပူးပေါင်းရင်းမြစ်များ

Ŋwàʼlè ə̀ Mâk 11:24

M pîə sê ghàyn nə, ə ghàyn tsə̂mə̀, pfɨfə nâʼà pîghè sê Zhə̀fè, pomə̂ nə ghàyn nə̀ kyîə, ə ghàyn nə̂ kyî.

Ətefɨ̂aʼ 1:14

Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.

Ətefɨ̂aʼ 8:15

Pità yî Njɔyn ə ndùə zaʼâ ə tsə̀mə̀ sê ghɨ pomə nə ghɛ nə Zuʼse Ŋwaʼase pə̀yn sê ghənə.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 12:30

pî sə tsuʼə tèzaf, pî sə wamnə̀ tèwâmnè tə ndôtè ndɔ̀ʼɔ ghənə zaʼle, pî se fɛtə tsâ paynsê èghɛ zɛ ə wâmnè tə təynte pîə.

1 Kɔlìŋ 14:12

Zôyn kə ghàyn kɔ̀ŋə̀ tsɛ̂sə̀ se kyî ə tefo tə se Zuʼse, ghàyn momse sə atyaʼ sə̂ njîə tɛ ə te nə̂ nə ndɛ ə̀ Fèzhə̀ ə ndəmə̂, fɨaʼà ətəyn sə ŋaŋ.

1 Kɔlìŋ 14:14

Kûmə̀ nə ə m tsə̂mə̀ famə endom, ə nyi mə zuʼ sɨmse nyiə tsə̂mə̀, pîza tɔf zɨmze kyi va ghɛ zhîze ətəyn.

1 Kɔlìŋ 14:26

Ghɛ zɛ ə m pîə ə soyn sɨmse nyi nə, shîŋə̀ kɛ ə ghàyn pə̀yn elùʼ engɨmnəve, wùə èmɔ̀ʼ e kyi njàŋ, və mɔ̀ʼɔ e kyi èzaʼlê, və mɔ̀ʼɔ e kyi èghɛ kə Zhə̀fè tyə̀yn sê vəyn, və mɔ̀ʼɔ e kyi tom ə tewàmnè tə ndôtè ndɔ̀ʼɔ zaʼle, və mɔ̀ʼɔ e tsâ ə̀ghɛ ghɛ ə wâmnètè ndɔ̀ʼɔ zaʼle pìə. Nâʼàpî èghɛ èkè zɛ ə nə̂, ə zə nyi ke se nə̀yn nə ndɛ ə̀ Fèzhə̀ ə ndəmə̂