1 Kɔlìŋ 13:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Wùə vɛ ə è kɔ̂ŋè, è pɔ tsɛ̂ va, shîŋə̀ tekɨ̂m è nyiə kyi èpomə, è nyiə kwaʼtə̀ lɨmtə̂ se kyî afɨa kɛ ə è lɨmtə, kyi kepî èwəynsê ewìynze.

1 Kɔlìŋ 13:7 ပူးပေါင်းရင်းမြစ်များ

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

Ŋwàʼlè ə̀ Mâk 9:23

Njisə̀s ə pfɨfə sê vəyn nə, “Kûmə̀ ghè ə ò pìə nə ə m nyi kàʼa m nəyn ghɛze mə nə̂ ə? Ə̀ pomə pindè, ə kaʼa ə nəyn nâʼàpî ghè sê vəyn.”

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 8:24

Kə ghâsènì kyi sɔzaze, ghâsènì ə ndə̀m təm ə ghasènìghe nə ghâsènì tə kyîə ndò ghɛ zɛ ə Zhə̀fè pì nə zhi tə nə̂ ndò. Pîza ə fe fɨa kɛ ə ghâsènì nyi mə ə ndə̀m təmghe nə ə tə kyîə ndò, ə zɛ mə ə pâynsê va èkwaʼtè zhîze. Ə̀ kàʼa kyi ndè kwâʼtèzè se kyî àfɨa kɛ ə è nyi mə è və kàynè kyî ə?

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

Ngàleshyà 6:2

Ghàyn e tsâmtə̀ sèngɨŋ saynse. Ə̂ ghàyn nə̂ nyi, ə ghàyn ə lwiynsə̂ àlâŋ ə Klayskè.

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.

2 Timotì 2:24

Ò ke nə wuə èfɨ̀aʼa ə̀ Fèzhə̀ kyi va sə̂ zɔ̂. È kyi sə̂ pɔynə̂ nâʼàpî se ndè fɨnə fɛtə zaʼlə ə̀ghɨ kè nâʼà àchûŋ, kyi èwəynsê,

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.