1 Kɔlìŋ 13:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Wùə vɛ ə è kɔ̀ŋə̀, chìynə̀ va ghɨghe, è kwaʼtə̀ kə va se ngɨŋə̂ vəyn, è nyɔʼsə̀ va tɔŋve, è ndə̂mə̀ va ghɛ ə pi ghɛ ə nyi mə ə nə̀yn se vəyn ə və təm,

1 Kɔlìŋ 13:5 ပူးပေါင်းရင်းမြစ်များ

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Matyò 9:4

Njisə̀s ə kê èghɛ zɛ ə ghənə kwâʼtə̀, ə pìə sê ghənə nə, “Kûmə̀ ghè ə ghàyn kwàʼtə̀ ghɛ epiə nyiə.?

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Tom èchùŋ kè kə Lûk tè nyaʼ 7:39

Wùə Falàsî nə vɛ ə è ndàm Njisə̀s ə fe eghɛ nə zɨ̂yn sè piə kə sê ngɨŋ ə̂ vəyn nə, “Ə wùə vɨ̀nə fè nyi ke nâʼà fɨ̀aʼtè èghaʼâ, mə è və kê kyiə wùzhɔyn vɛ ə è kə̀mnə̀ vəyn nyi, nə è nyi nyî, nyi ke nâʼà wùə əghɛ piə.”

1 Kɔlìŋ 10:24

Kə wùə vîvè se ghàyn ə fɨaʼà sê ngɨŋə̂ vəyn, pîza ghàyn e pɨlə fɨaʼà sə̂ tsâmtə̀ ə̀ghɨ mɔʼɔghe.

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

1 Kɔlìŋ 11:18

Se zhə̀tè m kyiŋə se pì nə, ghɨghə tsàyn sê mi nə ghàyn pə̀ zûŋtə̀ ə ndɛ ə̀ Fèzhə̀, kyi echyâsè ə ghàyn ə fètəyn, m pomə̂ nə ghɛ mɔ̀ʼɔ nyi ətəyn kə̂ ə pîə, ghe nyi ke nâʼà səmɔʼ.

1 Kɔlìŋ 12:25

Nyiəmə wiynve kiva se chyàsə ngɨŋə̂ vəyn, pîza pɨ̂as ewìynve kyi sə̂ kɔ̂ŋə̀ və mɔ̀ʼɔve kè eghɨ.

1 Kɔlìŋ 7:36

Ə wùə fe nə zhi tsɨs nâʼàpî ashìŋə̀ àkè, kwaʼtə̀ kə vâyn èzhɔyn mə yî vəyn ə tè ndə̀m nə ə tə malə, è və fe nə wùzhɔyn ə̀təyn ə ndəmə̂ kwəyn se malə̂, è və kwàʼtə̀ fe nə zhi nyi malə, è və nə̀ èghɛ zɛ ə è kwàʼtə̀. Ə̀ vachi pi, ghənə kaʼa malə.

2 Kolìŋ 5:19

Ghɛ zɛ ə ghàs pìə nyi nə Zhə̀fè tè kɛse njî pəyn ə̀ghɨ ə̀kɨ̂m se ngɨŋ ə vəyn tɔynə̂ ə Klâys. È lɛ̀se fo sèpi sə ghɨ̀sè ə fɨnə fo tom sê ghàs, nə ə ndàʼà èndom vɛ ə ghɨə kaʼa kɛse pəyn sê vəyn ətəyn.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Filìpây 2:21

Ghɨə mɔ̀ʼɔghe əkɨ̂m kwàʼtə̀ kə sê ngɨŋ sə ghənə̂sè, ə̀ nyi ə̀ghɛ kyi va ghɛ zhîze se nə̀yn èfɨaʼ ə Njisə̀s Klâyszè.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

2 Tèsàlonikà 3:7

Nâʼà ghàyn sə ghàyn ə ngɨŋ ke ndô nə ghàyn kyi sə̂ fɨ̂aʼà kə ghàs tè fɨ̂aʼà. Ghàs tè zɔlə va etuʼ vɛ ghàs tè pa nyi ghâsènì.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.