1 Kɔlìŋ 13:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə m kaʼa m mə wamnə̀ tèwâmnè tə ghɨ̀ msɔ̀ŋte, è tə setsìtè, pîza mə m kiva kɔ̂ŋzè, ə wâmnè zɨmze ə nyi ke kə ngyìm ə̀ puzâ kə mbəŋne kə puʼə.

1 Kɔlìŋ 13:1 ပူးပေါင်းရင်းမြစ်များ

Matyò 25:45

Ə fɔ̀yn pəynse nə, ‘M pîə sê ghàyn səmɔʼ nə, nâʼàpi zɨ̂yn ə ghàyn tè tə se tsàmtə wùə èmɔ̀ʼ vɛ è chùmtə̀ mi mə è kɔʼnə̂ va, ghàyn tè tə se tsàmtə Mi.’

Ŋwàʼlè ə̀ Mâk 16:17

Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.

Ŋwàʼlè ə̀ Pɔ̂l sê ghɨə Lûmghè 14:15

Ə ò nə̀yn nə ànyì vɛ vîvè ə kyi èfɨmsê kûmə̀ àfɨa kyîke kə ò zhiə, ə ze ə nyi nə ò kiva kɔ̂ŋzè sê ànɛ̂. Kə ò tə nəyn nə fɨazhiə vɛ ə ò zhiə pofse ndam ə wûəzè mə Klâys tè kwu kûmə̀ vəyn.

1 Kɔlìŋ 12:10

Zuʼ nə sɨ̂nə̀ fo se wùə èmɔ̀ʼ, tyaʼke nə è və nə̂ ə̀ghɛ əkayntəghe, se wùə vîvè, sə̂ fo àtyaʼ nə è və tsâ ə̀ghɛ mə ghe ndo sê Zhə̀fè, sê wùə vîvè, sə nə̀ nə è və ke sə nɨŋ nə Zuʼse ndo sê Zhə̀fè mə se paʼà ndò chi se Zhə̀fè ə, sê wùə vîvè, sə̂ nə̀ nə è və ke se wâmnè ə tewâmnè ndɔ̀ʼɔ è zaʼle, sê wùə vîvè, sə̂ nə̀ nə è və zɨə kê tèwâmnè tə təynte, tsâ èghɛ zɛ ə te pîə.

1 Kɔlìŋ 12:16

Mə ə tôŋneke ke pì nə, “M vachi àpâs ewìynke kûmə̀ nə m̀ vachi èshi,” ə zɛ mə tàʼa nə̀yn nə kə kə fɨyn nyi àpâs ewìynke.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

1 Kɔlìŋ 13:8

Kɔŋè mìə tsɛ̂ va, pîza tom sɛ ə fɨ̀aʼtèsè fo nyi ke sə fendiŋə̀ fə ashìŋə̀fè; ghɨghe e wâmnə̀ tèwâmnè mə ə paʼà zaʼlê pîza mə te nə mîə; ghɨghe e kyi kepî ètɔf pîza mə ze tə pə̂ tsɛ̂.

1 Kɔlìŋ 14:2

Ghɨ ghɛ ə wamnə̀ ə te wàmnè tə ndôtè ndɔ̀ʼɔ zaʼle wàmnə̀ chîəva sê ghɨghe pîza se Zhə̀fè, kûmə̀ nə wùə vîvè zɨə kê va ghɛ zɛ ə ghənə pîə. Ghənə wâmnə̀ ə̀ghɛ ə ndətə ə səmɔʼghe tɔynə̂ atyaʼ ə Sezuʼ se Ŋwaʼake.

1 Kɔlìŋ 14:4

Ghɨ ghɛ ə wâmnə̀ wâmnè tə ndôtè ndɔ̀ʼɔ zaʼle tsàmtə̀ kə sèngɨŋ sə ghənə̂sè, pîza ghɨ ghɛ ə tsâ tom Fèzhə̀ tsàmtə̀ ndɛ ə̀ Fèzhə̀ èkɨ̂m.

1 Kɔlìŋ 14:5

M nə̀ nə m mə kɔŋə̀ nə ghàyn əkɨ̂m ə wâmnə̀ tèwâmnè tə ndôtè ndɔ̀ʼɔ zaʼle, pîza m nə̀ nə m mə pɨlə kɔ̂ŋə̀ nə ghàyn ə kyi èfo sə tsâ tom ə̀ Fèzhə̀. Ze nyi nyî kûmə̀ nə wùə vɛ ə è tsà tom ə̀ Fezhə̀ tsɨ̀ə tsɛ̂ ndò wùə vɛ ə è wàmnə̀ wâmnè tə ndôtè ndɔ̀ʼɔ ə è zaʼle, ə̀ tsɛ kə va mə wùə nyì ndo se wàmnè eghɛ ətəynze endom vɛ ə nâʼàpî ndè nə̀ zɨə ke, kə ze tsamte ndɛ ə̀ Fèzhə̀ èkɨ̂m.

1 Kɔlìŋ 8:1

M kyiŋə se pì eghɛ zôyn kûmə̀ efɨazhiə vɛ ə màʼtə̀ sə eshyə̀ sê fɨ̂aʼsèvè. Ghâsènì ke ndô nə, ‘Ghâsènì əkɨ̂m nyîə kyi ètɔf.’ Tɔfze e pə̂ kə è ghaŋsə̂ ewiyn pîza kɔ̂ŋzè e nə̂ nə ghɨghe ə ndəmə̂.

2 Kolìŋ 12:4

È və ndùə zaʼâ fu ə zɨə ə̀ghɛ əcho ə zomə yîghe, mə wùə vayn kàʼa è tsayn è choze, èghɛ mə ə paʼà fo tyaʼa nə wùə m̀sɔ̀ŋ wamne kûmə̀ ghəynghe.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

Etyə̂yn ə paynsêzè 14:2

Mə zɨə kyə̀ ekwùtwəyn, è kô kə mmo ə m̀ tso epɨ̂apɨa, è kɨsè kə eghol epɨatəze. Kyə̀ zɛ ə m tè zɨ tè nyi kə kyə̀ ə̀ghɨ̀ enduŋghe ezhoghɛ ə ghənə puʼə nduŋ ə ghənə̂vè.