1 Kɔlìŋ 12:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Tyaʼ kɛ ə ghɨə kyi se nə̀yn efɨaʼ va eghɨ, pîza ə̀ nyì ke Fèzhə̀ fèmɔ̀ʼ ə fe fo tyaʼ nə kɨ̂nə̀ sê ghɨə ghəkɨ̂m nə ə nə̂ èfɨaʼ ə ghənə̂zè ətəyn.

1 Kɔlìŋ 12:6 ပူးပေါင်းရင်းမြစ်များ

Njɔyn 5:17

Njisə̀s ə pə̀ynsə̀ sê ghənə nə, “Pɨ̀a Vɨ̂m ndamə fɨaʼa kə ndò, mə M pɔŋ kyi se fɨ̀aʼà kə zamə.”

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 12:5

Ndomte tsɨəte nyîə nyi ə fɨaʼà ətəyn sê Pɛ̂pɛ, pîza ə̀ nyi ke Pɛ̂pɛ emɔ̀ʼ ə fɨaʼà sê vəyn.

1 Kɔlìŋ 15:28

Pîza shîŋə̀ kɛ ə ndə̂m mɨsè fɨa vekɨ̂m ə Klâys etyə̂ èsaʼ, ə Vəyn è ngɨŋə̂ Vəyn, mə za nyi vayn, ndəm ngɨŋə̂ Vəyn ə Zhə̀fè etyə̀, ə Fɛ ə Fe ndə̂m fɨa vekɨ̂m ə Vəyn etyə̀, ə Zhə̀fè ke saʼ mɨ̀sè əghɨ ə̀kɨ̂m.

1 Kɔlìŋ 3:7

E za nyi nə wùə vɛ è zho, è wùə vɛ ə è sɨ̀s môm, va sə eghɛ zhîze, ə̀ nyì ke Fèzhə̀ ə fe nə̂ ghɛghe əkɨ̂m kûmə̀ nə ə̀ nə̀ vəyn nə ngwàʼ ə̀təyn ndəmə.

Ɛfesùs 4:6

Zhə̀fè ghasènìfe nyi ke fèmɔ̀ʼ, nyi Pɨ̀a kè sê ghɨ ghəkɨ̂m, saʼa kə ə̀ghɨ ə̀kɨ̂m, fɨ̂aʼà tɔynə̂ kə ə ghɨ̀ ə̀kɨ̂m, nyi ke əfètəyn ə̀ ghɨ̀ ə̀kɨ̂m.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

Kòlosè 1:29

Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.