1 Kɔlìŋ 12:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Nâʼà ghàyn əkɨ̂m nyi ewiyn ə Klaysvè, mə nâʼàpî ndè nyi apâs ewìyn ətəynke.

1 Kɔlìŋ 12:27 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 12:5

Kèpî èghɨ famə endom, pî kə ghâsènì tsɨ̀ə, ghâsènì nyi wiynve mɔ̀ʼ ghasènìəghə̀ Klâys, wùə vîvè e va sə və ngɨŋ.

1 Kɔlìŋ 1:2

M nyâʼà sê nɔ̂yn ə ndɛ Fèzhə̀ kɛ ə̀ kyi Fezhə̀, ə ke nyi endaʼ ə Kolìnzè, è kɨsè sê ghɨghe əkɨ̂m ghɛ ə Zhə̀fè tɔŋə ə nə̀ nə ghənə nyi ə̀ghɨ ə vəynghe ŋwaʼaghe tɔynə̂ ə Klâys Njisə̀s. Fɨnə nyâʼà se ghɨghe əkɨ̂m nâʼà pi ghayn, mə nyi ghɛ ə ngɨmnə Pɛ̂pɛ ə̀ ghâsènì Njisə̀s Klâys. È nyi Pɛ̂pɛ ə̀ ghənə̂ kèpi kə è nyi Pɛ̂pɛ ə̀ ghâsènì əkɨ̂m.

1 Kɔlìŋ 10:17

Kûmə̀ nə payn ə kwaŋke nyi ke àmɔ̀ʼ, mə ghâsènì əkɨ̂m pî kə tsɨ̂ə, nyì ke èwiyn emɔ̀ʼ kûmə̀ nə nâʼà ghâsènì əkɨ̂m chyàtə̀ kə àpayn ə kwaŋke amɔ̀ʼ.

1 Kɔlìŋ 12:12

Klâys nyì ke kə ewiyn emɔ̀ʼ ə ve kyi pɨ̂as etsɨəve; ə̀ pa nyi ke èwiyn emɔ̀ʼ pi kə ve kyi pɨ̂as etsɨəve.

1 Kɔlìŋ 12:26

Ə pâs ewìynke amɔ̀ʼ zɨə ngəʼ, ə pɨas ewiynve ekɨ̂m ə zɨə kəpî ngəʼ è kəynke. Ə tsîtə̀ pâs ewìynke amɔ̀ʼ, ə pɨas ewiynve ekɨ̂m ə saŋnə̂ è kəynke.

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

Ɛfesùs 1:23

Ndɛ ə̀ Fèzhə̀ nə zɨ̂nə̀ nyi ewiyn ə Klaysvè, fiə àtyaʼ akɨ̂m kè sê vəyn, ə̀ nə̂ vəyn nə nâʼàpî ghè ə nyi, nâʼàpî ghayn.

Ɛfesùs 4:12

È tè nəyn nyi se pɨaʼtə əghɨ ə poməghe nə ghənə nə ke se nə̀yn efɨ̂aʼ ə Fezhə̀zè kə wiynə Klaysvè, mə za nyi ndɛ̂ Fèzhə̀ nə ndəmə̂,

Ɛfesùs 5:23

Ghàyn ke nə wùndômə̀ nyi nyî nyi àtu sê zhwiə vəyn kèpi èghɨ kə Klâys nyi atu sê ndɛ ə̀ Fèzhə̀ mə za nyi ewiynə vəyn, ə sɔ̂zâ vəyn ghɨ ətəynghe.

Ɛfesùs 5:30

Ghâsènì nyi tsɨ̂yntè nyi èpɨ̂as ewìyn ə Klaysvè.

Kòlosè 1:18

È nyi atu sê ghɨə pomə nâʼà ə̀kɨ̂m, ghe nyi kə ewiyn ə vəynve. Ə̀ fo vəyn ndamze sê ghɨə vəynghe, kûmə̀ nə ə̀ nyi vəyn wùə əshi vɛ ə Zhə̀fè tè zòmse, mə è tə nə̂ ə è və nyi sə teshìŋə̀ tèkɨ̂m. Zɨnə mə tè kyayn kə fɨave ekɨ̂m ə nyi ə vəyn etyə̂ àtyaʼ.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.