1 Kɔlìŋ 12:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Kèpi famə endom, ghâsènì əkɨ̂m, kɨ̀sə əghɨ ə Njûsə̀, kɨ̀sə əghɨ ghɛ ə va əghɨ Njûsghè, kɨ̀sə ekɔ̂s, kɨ̀sə ghɛ ə va ekɔ̂s, Zuʼ sɨ̂nə̀ semɔ̀ʼ ə tə fo ghâsènì môm kə ghâsènì ə nyi èwiyn emɔ̀ʼ, Zhə̀fè ə ndə̀mə̀ Sèzuʼ nə sɨ̂nə̀ semɔ̀ʼ ə ghâsènì əkɨ̂m ətəm.

1 Kɔlìŋ 12:13 ပူးပေါင်းရင်းမြစ်များ

Matyò 3:11

M fo m̀mo sê ghàyn è môm mə tsòm se tyə̀yn nə ghàyn ə kwiynê ə ghànə sepi. Pîza vɛ ə è pə̀ ə mì epàm nə̀ fo m̀mo sê ghàyn è Zuʼse Ŋwaʼase è wusve. È tsɛ̂ ndò mi. M kwənə pî va se pɨ̀aʼà sepfɨ sə vəynse.

Tom èchùŋ kè kə Lûk tè nyaʼ 3:16

Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Njɔyn 1:16

Ə Vəyn afùʼ kɛ ə ke nyi mə kə lwiyn kwəyn, È və pɔsê ghâsènì əkɨ̂m, ə fo ghâsènì è pɔsê əte kyì əte kyì.

Njɔyn 1:33

Pî kə m tè nyìəm ke va nə ə̀ nyi Vəyn. Pîza, Zhə̀fè kə Fe tè tom mi nə m fo môm è môm, tè nyi mə È və pì sê mi nə, ‹O tə fe ə Zuʼsə Fezhə̀sè tso pəyn ə se masə̂ ə wùə ətu, ə̀ nyi Vəyn vɛ ə È fo môm è Zuʼse ŋwaʼase.›”

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 6:63

Ghɛ zɛ ə ze fo ndam nyi Sezuʼ sə Fezhə̀sè. Wiyn ə wûəvè va nâʼà eghɛ zhîze. Ghɛ ghɛ M tsâ sê ghàyn nyi Sezuʼ è ndame.

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 3:29

Mə ghàyn kwàʼtə̀ nə Zhə̀fè nyì ke Fèzhə̀ fə ghɨə Njûsəfè ə? Piə nâʼà pî Vəyn nyi kepî Fezhə̀ fə ghɨ̀ ghɛ ə̀ va əghɨ ə Njûs ghə? E nyi zamə, È nyì kepî Fèzhə̀ fə ghɨ̀ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

1 Kɔlìŋ 10:2

Shîŋə̀ kɛ ə ghənə tè nyì fumə əfètə̂ sèmbàʼ è kɨsè ə enjwì ə fengwaŋve, ə tə fo môm se ghənə kə se chùmtè èpàm sə Mosîsè.

Ngàleshyà 3:23

Ə̀ tè nyi tsɔ̀fə kə kyî epoməzè ə nyi, ghâsènì ghɨ Njûsə̀ e kwîə kə etyə̀ Alàŋ kə ghɨ ndɛ̂ chaʼa, se zaʼâ ashìŋə̀ kɛ ə Zhə̀fè tè tyəyn paynsê èkyî èpomə nə zɨ̂yn ə ze tè kyi se pə̀yn.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ɛfesùs 4:5

Ghâsènì kyi ke Pɛ̂pɛ emɔ̀ʼ, kyî epomə̂zè emɔ̀ʼ, fiə m̀mo kè atu eghɛ èmɔ̀ʼ.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Ɛfesùs 6:8

Ghàyn e ke nə ə wùə nə̀yn nâʼàpî chùŋ èkè, kɨ̀sə è nyi akɔ̂s kɨ̀sə è va, ə Zhə̀fè tə fo èmâʼtè ətəyn sê vəyn.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.